WhatsApp مەسسەندجەرىندە ءىرى ورمان ءورتىنىڭ ۆيدەوسى تارادى. كادرلاردا ءتىلسىز جاۋ شىعىس قازاقستان وبلىسىندا ورنالاسقان بورودۋليحا اۋىلىنىڭ ماڭىندا شىققان دەپ جازىلعان. بۇل وتىرىك، دەپ حابارلايدى Stopfake.

بۇل كادرلاردىڭ قازاقستانعا ەشقانداي قاتىسى جوق. ۆيدەو رەسەيدە تۇسىرىلگەن.

– الەۋمەتتىك جەلىلەر مەن مەسسەندجەرلەردە بورودۋليحا اۋدانىندا تۇسىرىلگەن ءورتتىڭ ۆيدەوسى تارادى. بۇل اقپارات شىندىققا سايكەس كەلمەيدى – ءورت مامىر ايىنىڭ باسىندا قازاقستاندا ەمەس، باسقا ەلدە تۇسىرىلگەن. «نوۆوسيبيرسك ونلايننىڭ» حابارلاۋىنشا، ۆيدەودا 11 مامىردا «ومبى-تۇمەن» تاس جولىندا ورىن العان ءورت كورسەتىلگەن. سونىمەن قاتار ۆيدەودا جازىلعان جازۋ دا دۇرىس ەمەس – بورودۋليحا اۋماعى شقو-عا ەمەس، اباي وبلىسىنا قارايدى، – دەپ حابارلادى وبلىس اكىمدىگى.

Abai.kz