اباي وبلىسىنداعى ورتتەن تۋىنداعان جاعداي ءالى قيىن بولىپ تۇر. بۇل تۋرالى ءىىم اكىمشىلىك پوليتسيا كوميتەتى ەرەكشە تاپسىرمالار جونىندەگى اعا ينسپەكتورى اقتوتى بورانوۆا ايتتى، دەپ حابارلادى Halyq Uni تىلشىسى.

- اباي وبلىسىنداعى جاعداي ءالى دە قيىن. اپات ايماعىندا توتەنشە جاعداي قىزمەتكەرلەرىمەن بىرگە قۇقىقتىق ءتارتىپتى قورعاۋ ورگاندارى مەن ۇلتتىق ۇلاننىڭ قىزمەتكەرلەرى دە جۇمىس ىستەپ جاتىر. جەرگىلىكتى تۇرعىنداردى ەۆاكۋاتسيالاعاننان كەيىن پوليتسيا يەسىز قالعان ۇيلەردى كۇزەتىپ ءجۇر. سول ءۇشىن بورودۋليحا اۋدانىنا قوسىمشا كۇش جىبەرىلدى، – دەدى اعا ينسپەكتور ءىىم-دە وتكەن بريفينگتە.

ونىڭ ايتۋىنشا، ولار اۋدانداعى كولىك قوزعالىسىن رەتتەپ، توتەنشە جاعداي رەجيمىنىڭ ساقتالۋىن باقىلاۋدا.

«مەملەكەت باسشىسى قاسىم-جومارت توقاەۆ 12 ماۋسىمدى اباي وبلىسىندا بولعان الاپات ورتتەن قازا تاپقانداردى ەسكە الۋ ءۇشىن جالپىۇلتتىق ازا تۇتۋ كۇنى دەپ جاريالادى.

اباي اۋدانىنداعى ورتەنگەن جەردىڭ كولەمى الەم بويىنشا ەڭ ءىرى تابيعات ءورتى بولىپ سانالادى. ءورتتىڭ سالدارىنان «سەمەي ورمانى» قورىعىنىڭ 14 جۇمىسشىسى قازا تاپتى.

- ءتىلسىز جاۋدان قازا تاپقانداردىڭ جاقىن تۋىس-جۇراعاتىنا كوڭىل ايتامىز، - دەدى ءىىم وكىلى.

Abai.kz