ءماجىلىس دەپۋتاتى جارقىنبەك امانتايۇلى پالاتانىڭ جالپى وتىرىسىندا ەنەرگەتيكا ءمينيسترىنە بىلتىرعى جىلى ەكىباستۇز قالاسىندا ورىن العان اپاتتى جاعدايعا قاتىستى دەپۋتاتتىق ساۋالىن جولدادى.

دەپۋتاتتىڭ ايتۋىنشا، بۇگىندە اپاتتىڭ سالدارىمەن كۇرەسىپ، جوندەۋ جۇمىستارى جۇرگىزىلىپ جاتىر.

بۇگىنگى ءبىزدى تولعاندىرىپ وتىرعان ماسەلە، پاۆلودار وبلىسىنا قاراستى اقسۋ قالاسىنىڭ جىلۋ ماسەلەسى.

اتاپ ايتار بولساق، 73 مىڭداي حالىق تۇراتىن شاھار بۇگىندە اقسۋ فەرروقورتپا زاۋىتىنىڭ قازاندىعى ارقىلى جىلىتىلىپ كەلەدى. ونىڭ دا قازاندىقتارىنىڭ توزىعى جەتىپ تۇرعاندىعى جاسىرىن ەمەس. وعان قالانىڭ ەسكىرگەن ىشكى جىلۋ جۇيەسىن قوسىڭىز. الدا-جالدا اپات ورىن الا قالسا، ەكىباستۇزدىڭ كۇيىنە ءتۇسۋى مۇمكىن ەكەندىگىن ەسكەرتەمىز.

2016 جىلدان قولعا الىنىپ، 2017 جىلدىڭ  قالاعا جەكە قازاندىق سالۋ جۇمىسى باستالعان. «اقسۋ قالاسىنىڭ قۇرىلىس ءبولىمىنىڭ» تاپسىرىسى بويىنشا 10 ملرد.698 ملن. تەڭگە ءبولىنىپ قۇرىلىس جۇمىستارى باستالعان. الايدا قارجى جەكىلىكسىز دەپ تانىلىپ، وسى ۋاقىتقا دەيىن جالپى العاندا 12 ملرد.-قا جۋىق قاراجات جۇمسالدى.

بىراق، سالىنىپ ءبىتىپ، ىسكە قوسىلعان قازاندىق جوق!

قالا شەتىنە بوي كوتەرگەن نىسان مەردىگەردەن-مەردىگەردىڭ، سۋب مەردىگەردىڭ قولىنا وتكەن تۇسىنىكسىز نىسان بولىپ ءالى تۇر.

ەندى، ەل بيۋدجەتىنەن ميللياردتتاعان قاراجات جۇمسالعان قۇرىلىس ءۇشىن كىم جاۋاپ بەرەدى؟ بۇل ارنايى تەكسەرىستى، جەكە-دارا قاراۋدى قاجەت ەتەتىن ساۋال.

سوندىقتان ەرتەڭ قىستىڭ كوزى قىراۋدا اقسۋ قالاسىنىڭ تۇرعىندارى دا جىلۋسىز قالۋى مۇمكىن دەگەن قاۋىپپەن دابىل قاعىپ وتىرمىز. ءارى ارنايى شارالار قابىلدانىپ، ماسەلە شۇعىل شەشىمىن تابۋى كەرەك.

ەندىگى كەزەكتە ماسەلەنى تۇبەگەيلى شەشۋ ءۇشىن  مينيسترلىك جانىنان شۇعىل تۇردە ارنايى كوميسسيا قۇرىلۋى قاجەت. شاھاردىڭ جىلۋ جۇيەسىندەگى ماسەلەلەر جەدەل ساراپتالىپ، ونىڭ تۇپكىلىكتى شەشىلۋ جولى ايقىنداۋلى كەرەك دەگەن ويدامىز.

Abai.kz