الماتى قالاسىنداعى اۋرۋحانادا ناۋقاستاردىڭ ادامنىڭ يممۋندىق تاپشىلىق ۆيرۋسىن (ايتۆ/ۆيچ) جۇقتىرىپ الۋىنا بايلانىستى ەپيدەميولوگيالىق تەرگەۋ باستالدى. بۇل تۋرالى دەنساۋلىق ساقتاۋ ءمينيسترى اجار عينيات ايتتى.

«بىلتىر يممۋندىق تاپشىلىق ۆيرۋسىمەن 4 مىڭ ادام اۋىردى. ونىڭ ارعى جىلىندا 3,5 مىڭ جاڭا جاعداي تىركەلگەن بولاتىن. الماتىداعى جاعداي بويىنشا اقپارات كەلىپ ءتۇستى. كوميسسيا جىبەردىك. ءبىز اۋرۋحانا ىشىندە ۆيرۋس تاراۋىنا جول بەرگىمىز كەلمەيدى. تەكسەرۋ وتكەن سوڭ تولىققاندى اقپارات بەرەمىز»، - دەدى ۆەدومستۆو باسشىسى سەناتتا تىلشىلەرگە.

سونداي-اق ول اتالعان كوميسسيا قۇرامىندا مينيسترلىكتىڭ ەڭ ۇزدىك ماماندارى بار ەكەنىن ايتتى.

«ەندى تولىققاندى ەپيدەميولوگيالىق تەرگەۋ جۇرگىزۋىمىز كەرەك. اۋرۋحانا ىشىندە تارالماۋ ءۇشىن ينفەكتسيانىڭ وشاعىن تاۋىپ، جۇقتىرۋ جولدارىن انىقتاۋ قاجەت. مينيسترلىك پەن كوميتەتتەردىڭ ەڭ ۇزدىك ماماندارى سول جاققا جىبەرىلدى»، - دەدى مينيستر.

ەسكە سالايىق، كەشە الماتى قالالىق ورتالىق كلينيكالىق اۋرۋحاناسىندا جاتقان 3 ناۋقاستان ادامنىڭ يممۋندىق تاپشىلىق ۆيرۋسى انىقتالدى.

Abai.kz