اۋىر اتلەتيكادان جاستار اراسىنداعى الەم چەمپيونى ارتەم انتروپوۆ جارىستان ۋاقىتشا شەتتەتىلدى، دەپ حابارلايدى Ulysmedia.kz.

جاستار اراسىندا الەم چەمپيونى اتانعان انتروپوۆ ازيا چەمپيوناتىندا كۇمىس مەدال العان سوڭ، جارىستاردان ۋاقىتشا شەتتەتىلدى.

قازاقستاندىق سپورتشىنىڭ سىناماسىنان بۇلشىقەت پەن سۇيەكتەرگە كومەكتەسەتىن انابوليكالىق ستەريودتاردىڭ ءىزى تابىلعان. ەگەر سپورتشىنىڭ كىناسى دالەلدەنسە، جارىستاردان تۇبەگەيلى شەتتەتىلۋى مۇمكىن.

ايتا كەتسەك، 23 جاستاعى ارتەم انتروپوۆ 2017 جىلى جاستار اراسىندا الەم چەمپيونى اتانعان. 2022 جىلعى ازيا چەمپيوناتىنىڭ قولا، 2023 جىلعى ازيا چەمپيوناتىنىڭ كۇمىس جۇلدەگەرى. الەم چەمپيوناتىندا ۇزدىك تورتىككە ەنگەن.

Abai.kz