قازاقستاندا كرەمل ناسيحاتشىسىنىڭ كونتسەرتى وتپەيدى
رەسەيلىك ءانشى گريگوري لەپستىڭ كونتسەرتىن وتكىزۋ ءۇشىن ءوز الاڭىن ۇسىنعان Macao Luxury Village Resort ءىس-شارا ۇيىمداستىرۋشىسىمەن كەلىسىمشارتتى بۇزدى، دەپ حابارلايدى Ulysmedia.kz
كومپانيانىڭ حابارلاۋىنشا، شەشىم بىرجاقتى تارتىپتە قابىلدانعان. سونداي-اق، بيلەت اقشاسىن العان جەردەن قايتارىپ الۋعا بولاتىنى حابارلاندى.
ەسكە سالايىق، لەپس 8 شىلدەدە قوناەۆ كازينوسىنىڭ بىرىندە ونەر كورسەتۋدى جوسپارلاعان كونتسەرت بيلەتتەرىنىڭ باعاسى 50 مىڭ تەڭگەدەن باستالادى. ەڭ قىمبات بيلەتتەر 1 ميلليون تەڭگەگە باعالانعان.
قازاقستاندىقتار سوعىستى قولدايتىن ءارتىستىڭ ەلىمىزدە ونەر كورسەتەتىنىنە نارازىلىقتارىن ءبىلدىردى. بۇعان دەيىن رەسەي انشىلەرى نيكولاي باسكوۆ پەن گريگوري لەپس ۋكراين تانكتەرىن جويعانى ءۇشىن ارقايسىسى ءبىر ميلليون رۋبلدەن تولەۋگە دايىن ەكەندىكتەرىن مالىمدەگەن.
ساياساتتانۋشى دوسىم ساتپاەۆ رەسەيدىڭ ۋكراينعا قارسى سوعىسىن قولدايتىن ونەر يەلەرىن قازاقستانعا شاقىرۋشىلاردى قىلمىستىق جاۋاپكەرشىلىككە تارتۋ كەرەك ەكەنىن ايتتى.
سۋرەت: عالامتوردان
Abai.kz
