الماتى وبلىسىندا ەكى مەكتەپتىڭ قۇرىلىس جۇمىستارى كەزىندە تىركەلگەن اسا ءىرى كولەمدە قارجى جىمقىرۋ ءىسى بويىنشا تەرگەۋ اياقتالدى، دەپ حابارلادى قر قارجى مونيتورينگى اگەنتتىگىنىڭ ءباسپاسوز قىزمەتى.

«2020 جىلدىڭ مامىرىندا الماتى وبلىسى كەربۇلاق اۋدانىنىڭ ءبىلىم ءبولىمى «پمك-7ك» جشس قۇرىلىس كومپانياسىمەن كەلىسىم شارت جاساسقان. ولار سارىباستاۋ جانە قاراعاش اۋىلدارىنداعى ەكى مەكتەپتى كۇردەلى جوندەۋدەن وتكىزۋ ءۇشىن ارنايى كەلىسىمگە قول قويىپ، قۇرىلىستىڭ جالپى سوماسى 855 ميلليون تەڭگەدەن اسقان.

الايدا، اتالعان كاسىپورىن باسشىسى قۇرىلىس جۇمىستارىن جۇرگىزۋ كەزەڭىندە جوبالىق-سمەتالىق قۇجاتتامادا كوزدەلگەن جۇمىستاردىڭ ءبىر بولىگىن ورىنداماي، ورىندالعان جۇمىستاردىڭ جالعان اكتىلەرىن جاساماي، اسا ءىرى كولەمدە قارجى ۇرلىعىنا جول بەرگەن»، - دەلىنگەن قر قارجى مونيتورينگى اگەنتتىگىنىڭ رەسمي حابارلاماسىندا.

تەرگەپ-تەكسەرۋ جۇمىستارى ناتيجەسىندە جشس-ءنىڭ ەسەپ ايىرىسۋ شوتىنا 57,5 ​​ملن.تەڭگە كولەمىندەگى قاراجات زاڭسىز اۋدارىلعانى انىقتالىپ، قىلمىسكەرلەر جازاسىن العان. مەملەكەتكە كەلتىرىلگەن 57,5 ​​ملن تەڭگە شىعىن تولىعىمەن وتەلدى.

Abai.kz