بۇل تۋرالى قالا مەرى سەرگەي سوبيانين ءمالىم ەتتى، دەپ حابارلايدى Ulysmedia.kz.

«ءبىز تەرروريزمگە قارسى وپەراتسيا رەجيمىن ەنگىزۋگە بايلانىستى بارلىق شەكتەۋلەردى الىپ جاتىرمىز. وقۋشىلارعا مەكتەپ ءبىتىرۋ كەشى 1 شىلدەدە وتەدى. ماسكەۋلىكتەرگە سابىر، تۇسىنىستىك ءۇشىن تاعى دا العىس ايتامىن»، - دەدى سوبيانين.

ەسكە سالايىق، 24 ماۋسىمعا قاراعان ءتۇنى “ۆاگنەر” جاك باسشىسى ەۆگەني پريگوجين رەسەي قورعانىس مينيسترلىگىن سوققى بەردى دەپ ايىپتاپ، قارۋلى قاقتىعىس باستالعانىن مالىمدەگەن. ول ناۋقاننىڭ ماقساتىن «رەسەي قورعانىس مينيسترلىگىنىڭ باسشىلىعىن جاۋاپقا تارتۋ» دەپ اتادى. جاك باسشىسى «پرەزيدەنتتىك بيلىك، ۇكىمەت، ىشكى ىستەر مينيسترلىگى جانە باسقا دا قۇرىلىمدار قازاقستانداعى جۇمىستى جالعاستىرادى» دەپ سەندىردى.

پۋتين پريگوجيندى «ساتقىندىق جاسادى» دەپ ايىپتاپ، بۇلىكتى باسۋعا بۇيرىق بەرگەنىن مالىمدەدى.

ءپۋتيننىڭ مالىمدەمەسىنە بەرگەن جاۋابىندا «ۆاگنەر» رەسەيدە جاڭا جۋىردا جاڭا پرەزيدەنت بولاتىنىن ايتتى.

كوپ ۇزاماي رەسەيلىك فسب «ۆاگنەر» جاك باسشىسى ەۆگەني پريگوجينگە قاتىستى قىلمىستىق ىس قوزعادى.

قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگى اسكەري-ساياسي جاعدايدىڭ شيەلەنىسۋىنە بايلانىستى قازاقستان ازاماتتارىنا ۇندەۋ جولدادى. قازاقستاندىقتاردان جاقىن ارادا ۋكراينامەن شەكارالاس رەسەي تەرريتوريالارىنا بارماۋدى سۇرادى.

الايدا پريگوجين رايىنان تەز قايتتى. ونى قارۋلى قاقتىعىستى توقتاتۋعا ۇگىتتەگەن – بەلارۋس پرەزيدەنتى الەكساندر لۋكاشەنكو. بۇل تۋرالى رف پرەزيدەنتىنىڭ ءباسپاسوز حاتشىسى دميتري پەسكوۆ مالىمدەدى. ول پريگوجينگە قارسى قىلمىستىق ءىس توقتاتىلاتىنىن، ونىڭ بەلارۋسكە كەتەتىنىن جەتكىزدى.

25 ماۋسىمعا قاراعان ءتۇنى «ۆاگنەر» جاۋىنگەرلەرى دونداعى روستوۆتاعى وڭتۇستىك اسكەري وكرۋگىنىڭ شتاب-پاتەرى ماڭىنداعى اۋماقتى تاستاپ كەتكەنى مالىم بولدى.

ەۆگەني پريگوجين رەسەيدىڭ رەسمي اسكەري باسشىلىعىن ونىڭ تىلىنا سوققى بەردى دەپ ايىپتاپ، ماسكەۋگە جالدامالى اسكەرلەرىن الىپ بارا جاتقانىن ايتقاننان كەيىن، لاڭكەستىككە قارسى وپەراتسيا رەجيمى ەنگىزىلگەن بولاتىن.

Abai.kz