قانت باعاسىنىڭ ءوسۋ قاۋپى بار ما؟ تاپشىلىق بولا ما؟ بۇل ساۋالدارعا پرەمەر-ءمينيستردىڭ ورىنباسارى، ساۋدا جانە ينتەگراتسيا ءمينيسترى سەرىك جۇمانعارين جاۋاپ بەردى.

«اۋەلدە قانتتىڭ كوتەرمە باعاسىنىڭ ەڭ تومەنگى دەڭگەيىن ەنگىزگىمىز كەلدى، ازىرگە توقتادىق. ويتكەنى، قانت قىمباتتاپ جاتىر. بىزدە قانت ءوندىرىسى رەسەيگە قاراعاندا قىمباتقا تۇسەدى. ازىرگە رەسەيلىك قانت ارزان، دەگەنمەن ءبىز ازىرگە جاعدايدى قالىپتا ۇستاۋدى ءجون كوردىك. وتاندىق قانت زاۋىتتارىن قولداۋ شارالارى قازىر پىسىقتالىپ جاتىر. ازىرگە قانت باعاسىنىڭ بوساڭسۋىنا جول بەرمەۋ ءۇشىن ءوندىرۋشىنى سۋبسيديالاۋ نۇسقاسىن عانا قاراستىرامىز»، - دەدى سەرىك جۇمانعارين ۇكىمەت وتىرىسىنان كەيىن باق وكىلدەرىنىڭ ساۋالىنا.

سونداي-اق، مينيستر شيكىزاتتىڭ قىمباتتاعانىن ايتتى.

«ماسەلەنى شەشۋدە ۇزاقمەرزىمدى پەرسپەكتيۆا تيىمدىرەك. ارينە، قازىر جاعداي وتە ءتيىمدى – قانت ارزان. بىراق ءبىزدىڭ زاۋىتتار قويماداعى قانتتى ساتا الماي وتىر. سەبەبى ءوندىرىس قۇنى وتە قىمبات. ويتكەنى شيكى قانت بيرجالاردا قاتتى قىمباتتادى. قانت تاپشىلىعى قاۋپى جوق، ال قىمباتتاۋ بويىنشا ماسەلەنى قاراستىرامىز»، - دەيدى ول.

Abai.kz