اقپاراتقا سايكەس، وق اتۋدىڭ ناتيجەسىندە ارميان تاراپتان ءتورت جاۋىنگەر قازا تاپقان.
ءبىر كۇن بۇرىن ازەربايجاننىڭ قورعانىس مينيسترلىگى اگدام ايماعىندا ورنالاسقان ازەري پوزيتسيالارى اتقىلاعان جانە ءبىر ازەربايجان جاۋىنگەرى جارالانعانى تۋرالى مالىمەت تاراتقان.
وقيعا 27 ماۋسىمدا، قۇراما شتاتتاردا ارمەنيا مەن ازەربايجاننىڭ سىرتقى ىستەر مينيسترلەرىنىڭ ءۇش كۇندىك بەيبىت سويلەسۋلەرى باستالعان كەزدە بولعان.
حالىقارالىق زاڭدارعا سايكەس، تاۋلى قاراباق ازەربايجان ايماعى بولىپ ەسەپتەلەدى. تاراپتاردىڭ تالاسى 1980 جىلداردىڭ اياعىندا باستالعان. نەگىزىنەن ەتيكالىق ارمياندار تۇراتىن تاۋلى قاراباق اۆتونوم وبلىسى ازەربايجان سسر-ءىنىڭ قۇرامىنان شىققانان جاريالاپ، 1991 جىلدىڭ قىركۇيەگىندە ءوزىن-ءوزى "تاۋلى قاراباق رەسپۋبليكاسى" دەپ جاريالاعان. 1988-1994 جىلدار ارالىعىنداعى سوعىس 30 مىڭنان استام ادامنىڭ ءومىرىن الدى.
2020 جىلى ەكى ەل اراسىندا قاقتىعىس بولىپ، ارمەنيا ءتورت مىڭداي، ازەربايجان ءۇش مىڭعا جۋىق ازاماتىن جوعالتقانى ايتىلدى. جانجال كەزىندە ازەربايجان تاۋلى قاراباقتاعى بۇرىنعى ارمەنيا باقىلايتىن بىرنەشە اۋداندى جانە شۋشا قالاسىن قايتارىپ العان.
22 مامىردا ارمەنيا پرەمەر-ءمينيسترى نيكول پاشينيان ەرەۆان ءوزىن ءوزى "تاۋلى قاراباق رەسپۋبليكاسى" دەپ اتاعان ايماقتى ازەربايجاننىڭ ءبىر بولىگى دەپ تانۋعا دايىن ەكەنىن جەتكىزگەن. بىراق ول ءۇشىن باكۋ ايماقتا ورنالاسقان ەتنيكالىق ارميانداردىڭ قاۋىپسىزدىگىن قامتاماسىز ەتۋى ءتيىس.
