شىلدەنىڭ باسىندا «اربات» ارميان باتالونىنىڭ قۇرىلاتىنى بەلگىلى بولدى. ولار دونباسسقا رەسەي جاعىندا سوعىسۋ ءۇشىن اتتانادى. ISW امەريكالىق سوعىستى زەرتتەۋ ينستيتۋتى باتالون قۇرامىنا ارمەنيا ازاماتتارى مەن ابحازيادان كەلگەن ەتنيكالىق ارمياندار كىرەتىنىن حابارلادى، دەپ جازادى Mezgil.kz. 

بۇل توپتىڭ دەمەۋشىسى – ۋكرايناداعى دونەتسك وبلىسىنىڭ تۋماسى، قىلمىس الەمىنىڭ سەركەسى ارمەن ساركيسيان.

«ساركيسيان رەسەي فەدەراتسياسىنداعى كەيبىر كولونيالاردى جانە ونىڭ باقىلاۋىنداعى ۋكراينا اۋماقتارىن باقىلايدى»، دەپ جازادى «Hraparak» ارميان گازەتى ۋكراينالىق بارلاۋ قىزمەتىنە سىلتەمە جاساپ.

گازەتتىڭ حابارلاۋىنشا، توپتىڭ ارتىندا ىقپالدى ورىس-ارميان كاسىپكەرلەرى تۇر. «بۇل ارميان بيزنەسمەندەرى، قىلمىس الەمىنىڭ ادامدارى، شىركەۋ مەن اسكەري كۇشتىڭ بىرلەستىگى»، - دەيدى باسىلىم.

باتالون كومانديرى قاراباقتان كەلگەن ارميان ايك گاسپاريان. ول: «ماقساتىمىز وتانعا (رەسەي فەدەراتسياسىنا) قىزمەت ەتۋ»، - دەپ مالىمدەدى. تاعى بىرەۋ – احرا اۆيدزبا. ول رەسەي بيلىگىنىڭ ايتاقتاۋىمەن جۇرگەن 2020 جىلعى ابحازياداعى توڭكەرىستىڭ بەلسەندى قاتىسۋشىسى.

گازەت: «اربات» – «ۆاگنەر» سياقتى جاڭا اسكەري كومپانيا»، - دەپ جازادى. ۆاگنەرلىكتەردىڭ ءساتسىز اسكەري توڭكەرىسىنەن كەيىن رەسەي بۇل سياقتى توپتاردان باس تارتپادى. كەرىسىنشە، مايداندا ۆاگنەرلىكتەردىڭ ورنىن تولتىراتىن سودىرلاردىڭ ارەكەتىن قولداپ وتىر.

سونداي-اق، باسىلىم بولاشاقتا باتالون «ارمەنيا مەن ارتساحتى قۇتقارۋعا» پايدالانىلاتىنىن ايتادى. ياعني ارمانيانى قازىرگى بيلىگىنەن «قۇتقارۋعا» جۇمسالماق.

Abai.kz