رەسەيگە سانكتسيالاردى اينالىپ وتۋگە كومەكتەسكەنى ءۇشىن اقش قىرعىزستانعا ەكونوميكالىق شارالار دايىنداپ جاتىر.

كەيبىر قىرعىزستاندىق فيرمالار سانكتسيالارعا ۇشىراعان تاۋارلاردى ساتۋدى كۇرت ءوسىرىپ،  سودان پايدا تابادى. بۇل تۋرالى The Washington Post باسىلىمى امەريكالىق شەنەۋنىكتەردىڭ سوزىنە سىلتەمە جاساپ حابارلادى.

«امەريكالىق جانە ەۋروپالىق ديپلوماتتار بىشكەككە بىرنەشە اي بويى ساپارلاپ بارىپ ءجۇردى. ساپاردان ەش ناتيجە شىقپاعان سوڭ، بايدەن اكىمشىلىگى قىرعىزستانداعى ساۋدانى ماجبۇرلەپ توقتاتۋ ءۇشىن ەكونوميكالىق شارالار دايىنداۋدا. شارالار وسى اپتادا قابىلدانۋى مۇمكىن»، - دەدى شەنەۋنىكتەر.

«ەلدىڭ شەكارالارى ارقىلى تاۋارلاردىڭ قوزعالىسىن باقىلايتىن ەلەكتروندىق جۇيەلەر جاقسارتىلدى. سوندىقتان ماسكەۋمەن ساۋدانىڭ ءوسۋى بايقالادى. قىرعىزستان مەن رەسەي ەاەو مۇشەلەرى، ال جالپى العاندا رەسەي - ءبىزدىڭ نەگىزگى ساۋدا سەرىكتەستەرىمىزدىڭ ءبىرى»، - دەپ حابارلادى قىرعىزستاننىڭ اقش-تاعى ەلشىلىگى.

قىرعىزستان پارلامەنتى دەپۋتاتتارى اقش-تىڭ سانكتسيا سالۋىنا قارسىلىق ءبىلدىردى.

اقش قارجى مينيسترلىگى ورتالىق ازيا ەلدەرىن رەسەي فەدەراتسياسىمەن بايلانىسىن ۇزۋگە كوندىرۋدى جوسپارلار وتىر.

Abai.kz