«قازاقستان» شاحتاسىنداعى ءورت وقيعاسىن تەرگەۋ جونىندەگى ۇكىمەت كوميسسياسىنىڭ جۇمىسى تاعى 10 كۇنگە ۇزارتىلدى. بۇل تۋرالى توتەنشە جاعدايلار مينيسترلىگىنىڭ رەسمي وكىلى جاننا داۋرەنبەكوۆا مالىمدەدى.

«قازىر شاحتانىڭ اپات بولعان ۋچاسكەسىندە 27 تاۋ-كەن قۇتقارۋشى جۇمىس ىستەپ جاتىر، كومەككە 14 كەنشى جۇمىلدىرىلدى.

توعىز بوگەت تۇرعىزىلدى جانە ولار 100% تولتىرىلدى، 3 بوگەتتىن قۇرىلىسى بويىنشا جۇمىستار جالعاسىپ جاتىر.

سونىمەن قاتار ءورت وشاقتارىن ءسوندىرۋ جالعاسۋدا.

گاز مولشەرى باقىلاۋعا الىنعان. جۇمىس ورىندارىندا تەمپەراتۋرا كورسەتكىشتەرىنىڭ ناشارلاۋى بايقالمايدى»، - دەدى رەسمي وكىل.

ەسكە سالايىق، قاراعاندى وبلىسىنداعى «قازاقستان» شاحتاسىندا ءورت 17 تامىز كۇنى شىققان بولاتىن.

اپات كەزىندە جەر استىندا 227 كەنشى بولدى. 222 ادامدى جەر بەتىنە جەدەل كوتەرۋ مۇمكىن بولدى، سەگىزى زارداپ شەكتى.

شاحتانىڭ استىندا قالىپ قويعان بەس كەنشىنىڭ دەنەسى تابىلدى.

18 تامىزداعى جاعداي بويىنشا مەديتسينا مەكەمەلەرىندە ورتتەن زارداپ شەككەن 11 كەنشى ەم قابىلداپ جاتتى.

پرەزيدەنت قاسىم-جومارت توقاەۆ ءورت سەبەبىن انىقتاۋ ءۇشىن جان-جاقتى تەرگەۋ جۇرگىزۋدى تاپسىردى.

فوتو: اشىق دەرەككوزدەن

Abai.kz