بۇگىن، 5 قىركۇيەكتە ساعات 15:00-دە شىمكەنت ءماسليحاتى دەپۋتاتتارىنىڭ جينالىسى وتەدى.

كۇن تارتىبىندە – قالا اكىمىنىڭ تاعايىندالۋىنا كەلىسىم بەرۋ ماسەلەسى.

بۇدان بۇرىن Ulysmedia.kz ايتەنوۆتى ايگىلەگەن وقيعالارعا شولۋ جاساعان. مەگاپوليستى باسقارعان 3,5 جىل ىشىندە شىمكەنتتىكتەر ونىڭ وتستاۆكاعا كەتۋىن بىرنەشە مارتە تالاپ ەتىپ، ونىڭ مەگاپوليستى كۇيرەتكەنىن العا تارتقان بولاتىن.

ايتەنوۆ قازاقستانداعى ەڭ جاس اكىمدەردىڭ ءبىرى بولا تۇرا، "ەسكى گۆارديا" شەنەۋنىكتەرىنىڭ تىزىمىنە ەندى.

ونىڭ بيلىك باسپالداعىمەن جوعارى كوتەرىلۋى نۇرسۇلتان نازارباەۆتىڭ تۇسىندا باستالدى – بىراز جىلدىق عۇمىرىن مۇرات ايتەنوۆ قر پرەزيدەنتىنىڭ ءىس باسقارماسىنا ارنادى (2006-2019). وسى جىلدار ىشىندە ول شارۋاشىلىق مەڭگەرۋشىسىنەن مەملەكەت باسشىسىنىڭ ءىس باسقارۋشىسىنىڭ ورىنباسارىنا دەيىن كوتەرىلدى. بىلەتىن ادامداردىڭ سوزىنشە، ايتەنوۆ "پرەزيدەنتتىڭ اسپازى" دەگەن اتاققا يە بولعان.