4 قىركۇيەك كۇنى ساعات 20.00 شاماسىندا كەڭقياق، ساركول، شۇبارشي تۇرعىندارىنان گازدىڭ وتكىر يىسىنە شاعىمدار تۇسە باستاعان.

الدىن الا انىقتالعانداي، شۇبارشي گاز تاراتۋ ستانتسياسىنىڭ جۇمىسى تولىعىمەن توقتاپ قالعاننان كەيىن، ونى جوندەۋ بويىنشا جوسپارلى اجىراتۋ جۇرگىزىلگەن. گاز توقتاتىلىپ، بۇراندالى كران اۋىستىرىلعاننان سوڭ تالاپقا ساي، جۇيەگە وتكىر ءيىسى بار «ودورانت» دەپ اتالاتىن گاز جىبەرىلگەن. وسىدان كەيىن حالىقتان شاعىمدار تۇسكەن.

جەرگىلىكتى تۇرعىنداردىڭ شاعىمدارى تۇسكەننەن كەيىن «تەحنوگاز» جشس ماماندارى كەڭقياق، ساركول اۋىلدارىنىڭ تۇرعىن ۇيلەرىن ارالاپ شىقتى. ناتيجەسىندە گازدىڭ تارالۋ دەرەكتەرى انىقتالعان جوق. ال كەڭقياق اۋىلىنىڭ اۋرۋحاناسىنا 8 تۇرعىن گازبەن ۋلانۋ بەلگىلەرىمەن جۇگىندى. قازىرگى ۋاقىتتا بارلىعىنا العاشقى مەديتسينالىق كومەك كورسەتىلدى. ءومىرى مەن دەنساۋلىعىنا قاۋىپ جوق. باسقا زارداپ شەككەندەر جوق.وسى دەرەك بويىنشا ەكولوگيا، سەس جانە توتەنشە جاعدايلار دەپارتامەنتى ۋاقىتىلى حاباردار ەتىلدى. جاعداي باقىلاۋدا، - دەلىنگەن حابارلامادا.

فوتو: عالامتوردان

Abai.kz