مەملەكەت باسشىسىنىڭ جارلىعىمەن اسحات بەرلەشۇلى شاحاروۆ اقتوبە وبلىسىنىڭ اكىمى لاۋازىمىنا تاعايىندالدى.

44 جاستاعى اسحات شاحاروۆ جوعارى ءبىلىمدى.1999 جىلى قازاق مەملەكەتتىك تۋريزم جانە سپورت اكادەمياسىن دەنە شىنىقتىرۋ ءپانىنىڭ وقىتۋشىسى - سپورت بويىنشا جاتتىقتىرۋشى، 2002 جىلى ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىن حالىقارالىق ەكونوميست ماماندىعى بويىنشا بىتىرگەن. 2013 جىلى رف پرەزيدەنتى جانىنداعى رەسەي مەملەكەتتىك قىزمەت جانە حالىق شارۋاشىلىعى اكادەمياسىن اياقتاعان. ەكونوميكا عىلىمدارىنىڭ كانديداتى.

سامبودان ءۇش مارتە الەم چەمپيونى، ەكى دۇركىن الەم كۋبوگىنىڭ يەگەرى، دزيۋدودان دۇنيەجۇزىلىك بىرىنشىلىكتىڭ قولا جۇلدەگەرى، قر ەڭبەك سىڭىرگەن سپورت شەبەرى.

2005 جىلدىڭ قاراشا ايىنان اقتوبە پەداگوگيكالىق ينستيتۋتى دەنە تاربيەسى كافەدراسىنىڭ دوتسەنتى.

2007 جىلدىڭ ءساۋىر ايىنان اقتوبە وبلىستىق وليمپياداشىلار رەزەرۆىن دايىنداۋ ورتالىعىنىڭ ديرەكتورى.

2013 جىلدىڭ ماۋسىم ايىنان بەرى بقو قاراتوبە اۋدانىنىڭ اكىمى قىزمەتىن، 2017 جىلدىڭ شىلدە ايىنان بقو زەلەنوۆ اۋدانىنىڭ اكىمى، 2020 جىلدىڭ ناۋرىز ايىنان اقتوبە قالاسىنىڭ اكىمى بولدى.

2022 جىلدىڭ قاراشاسىنان وسى ۋاقىتقا دەيىن قر پرەزيدەنتى اكىمشىلىگىنىڭ مەملەكەتتىك ينسپەكتورى قىزمەتىن اتقاردى.

Abai.kz