اتىراۋدا ورتالىق «يمانعالي» مەشىتى جانىنان ءدىني، رۋحاني-تانىمدىق باعىتتاعى «Azan» ينتەرنەت-راديوسى جۇمىسىن باستادى.

Aتىراۋ وبلىستىق ءدىن ىستەرى باسقارماسىنىڭ مەملەكەتتىك تاپسىرىسى اياسىندا اشىلعان راديو قمدب اتىراۋ وبلىسى وكىلدىگىمەن بىرلەسە جۇمىس ىستەيدى.

راديونىڭ ارنايى اشىلۋ سالتاناتىنا قازاقستان مۇسىلماندارى ءدىني باسقارماسى توراعاسىنىڭ ورىنباسارى، نايب ءمۇفتي سانسىزباي قۇربانۇلى، باس ءمۇفتي كەڭەسشىسى كەنجەتاي بايكەمەلۇلى جانە ساراپتاما ءبولىمىنىڭ مەڭگەرۋشىسى نۇرلان ەۆفراتۇلى، زيالى قاۋىم وكىلدەرى مەن جۋرناليستەر قاتىستى.

شارانى اشقان قمدب توراعاسىنىڭ ورىنباسارى، نايب ءمۇفتي سانسىزباي قۇربانۇلى اسىل ءدىنىمىزدىڭ قۇندىلىقتارىن ناسيحاتتاپ، قوعامعا پايدالى اقپاراتتارمەن ناسيحاتتاۋدا راديونىڭ ورنى زور ەكەنىن اتاپ ءوتتى. «ادامعا ناسيحات ەڭ ءبىرىنشى قۇلاقپەن ەستۋ ارقىلى جەتەدى. سول سەبەپتى جاڭا ىستەرىڭىز بەرەكەلى بولسىن» دەپ باتاسىن بەردى.

اتىراۋ وبلىسى ءدىن ىستەرى باسقارماسىنىڭ باس مامانى قاھارمان راحمەتۇلى ءدىن سالاسىنداعى وزەكتى ماسەلەردى يمامدارىمىز بەن بىرلەسە وتىرىپ شەشۋدە جاڭا جوبالار جالعاساتىنىن ايتتى. ال نايب ءمۇفتي سانسىزباي قۇربانۇلى راديونىڭ العاشقى قوناعى رەتىندە سۇحبات بەردى.

Abai.kz