ۇلتتىق قاۋىپسىزدىك كوميتەتى 6 قىركۇيەكتە ەلدوس قوسپاەۆ پەن ونىڭ سىبايلاستارىن ەلگە جەتكىزدى.

ۇقك جۇرگىزگەن وپەراتسيانىڭ ناتيجەسىندە سولتۇستىك كيپردەن قازاقستانعا قىلمىستىق توپتىڭ 7 مۇشەسى جەتكىزىلدى.

بۇعان دەيىن ولارعا قارجىلىق مونيتورينگ اگەنتتىگى رەيدەرلىك جاسادى، ۇيىمداسقان قىلمىستىق توپ قۇردى جانە وعان قاتىستى دەگەن كۇدىكپەن حالىقارالىق ىزدەۋ جاريالاعان بولاتىن.

تەرگەۋ مالىمەتىنشە، قىلمىستىق توپ مۇشەلەرى قورقىتۋ جانە زورلىق-زومبىلىق جاساۋ ارقىلى كاسىپكەرلەردىڭ مۇلكىن، ولاردىڭ كومپانيالارداعى ۇلەستەرىن تارتىپ العان، سونداي-اق كولەڭكەلى بيزنەسپەن اينالىسقان.

ۇقك وپەراتسياسى اياسىندا شەتەلدىك ارىپتەستەرمەن تىعىز ءوزارا ءىس-قيمىل جاساي وتىرىپ، توپ قاتىسۋشىلارىنىڭ ورنالاسقان جەرلەرىن انىقتاۋ، سايكەستەندىرۋ جانە ۇستاۋ جونىندەگى قاجەتتى جەدەل ءىس-شارالار ۇيىمداستىرىلدى، - دەلىنگەن ۇقك حابارلاماسىندا.

كۇدىكتىلەر ۇقك «ا» ارنايى ماقساتتاعى قىزمەتى جاۋىنگەرلەرىنىڭ ايداۋىلىمەن استانا قالاسىنا جەتكىزىلدى جانە قىلمىستىق قۋدالاۋ ورگانى قىزمەتكەرلەرىنە بەرىلدى.

Abai.kz