قاتارىنان ءۇشىنشى جىل ۇيىمداستىرىلعان «قازاقستان بارىسى» ءتۋرنيرى مارەگە جەتتى. كوپشىلىكتىڭ كوپتەن كۇتكەن ايتۋلى باسەكەنىڭ ءباسى جوعارى بولىپ، شىعىس قازاقستان اتىنان سىنعا تۇسكەن سەمەيلىك پالۋان ايبەك نۇعىماروۆ «قازاقستان بارىسى» اتاندى. ول اقتىق سىندا قاراعاندىدان كەلگەن ەرجان شىنكەەۆتىڭ جاۋىرىنىن جەرگە تيگىزىپ، شىن مىقتى ەكەندىگىن دالەلدەدى.

ايبەكتىڭ باعى دا، بابى دا قاتار شاپتى. بيىلعى دودالى جارىستىڭ العاشقى بەلدەسۋىن بوز كىلەمدە ءوزى باستاپ، ءوزى جەڭىسپەن اياقتادى. كوگىلدىر ەكران-عا كوز تىككەن، تىلەۋشى ءھام تىلەكشى بولعان اعايىننىڭ توبەسى كوككە ەكى – اق ەلى جەتپەي قالعانداي. قۋانىشتان، ارينە. شىعىستىڭ نامىسىن ابىرويمەن قورعاپ، جەڭىستىڭ بيىك شىڭىن باعىندىرعان ءاپايتوس ايبەككە قانداي ماداقتاۋ ايتساڭ دا لايىق! بابى كەلىسىپ بارىس اتانعان ازاماتتىڭ جەڭىسىنە كۇللى شىعىس قازاقستان جۇرتشىلىعى ورتاق! بەل بالاسىنىڭ بوز كىلەمدە اتوي سالىپ، بيىكتەن كورىنىپ جاتقانى، اينالىپ كەلگەندە ەلىنە مارتەبە. جارقىن جەڭىسىڭ قۇتتى بولسىن ايبەك! شۇمەكتەپ توككەن تەردىڭ وتەۋى وسى بولار! بارشا شىعىس قازاقستان جانە سەمەي جۇرتشىلىعى    ايبەك نۇعىماروۆتى «قازاقستان بارىسى» اتانۋىمەن شىن جۇرەكتەن قۇتتىقتايدى! 

“ست”-اقپارات

قاتارىنان ءۇشىنشى جىل ۇيىمداستىرىلعان «قازاقستان بارىسى» ءتۋرنيرى مارەگە جەتتى. كوپشىلىكتىڭ كوپتەن كۇتكەن ايتۋلى باسەكەنىڭ ءباسى جوعارى بولىپ، شىعىس قازاقستان اتىنان سىنعا تۇسكەن سەمەيلىك پالۋان ايبەك نۇعىماروۆ «قازاقستان بارىسى» اتاندى. ول اقتىق سىندا قاراعاندىدان كەلگەن ەرجان شىنكەەۆتىڭ جاۋىرىنىن جەرگە تيگىزىپ، شىن مىقتى ەكەندىگىن دالەلدەدى.

ايبەكتىڭ باعى دا، بابى دا قاتار شاپتى. بيىلعى دودالى جارىستىڭ العاشقى بەلدەسۋىن بوز كىلەمدە ءوزى باستاپ، ءوزى جەڭىسپەن اياقتادى. كوگىلدىر ەكران-عا كوز تىككەن، تىلەۋشى ءھام تىلەكشى بولعان اعايىننىڭ توبەسى كوككە ەكى – اق ەلى جەتپەي قالعانداي. قۋانىشتان، ارينە. شىعىستىڭ نامىسىن ابىرويمەن قورعاپ، جەڭىستىڭ بيىك شىڭىن باعىندىرعان ءاپايتوس ايبەككە قانداي ماداقتاۋ ايتساڭ دا لايىق! بابى كەلىسىپ بارىس اتانعان ازاماتتىڭ جەڭىسىنە كۇللى شىعىس قازاقستان جۇرتشىلىعى ورتاق! بەل بالاسىنىڭ بوز كىلەمدە اتوي سالىپ، بيىكتەن كورىنىپ جاتقانى، اينالىپ كەلگەندە ەلىنە مارتەبە. جارقىن جەڭىسىڭ قۇتتى بولسىن ايبەك! شۇمەكتەپ توككەن تەردىڭ وتەۋى وسى بولار! بارشا شىعىس قازاقستان جانە سەمەي جۇرتشىلىعى    ايبەك نۇعىماروۆتى «قازاقستان بارىسى» اتانۋىمەن شىن جۇرەكتەن قۇتتىقتايدى! 

“ست”-اقپارات