14 قىركۇيەك پەن 5 قازان كۇندەر ارالىعىندا الماتى قالاسى ءدىن ىستەرى جونىندەگى باسقارماسى، «ءدىن ماسەلەلەرىن زەرتتەۋ ورتالىعى» كمم قولداۋىمەن «جاستار ءۇنى» رەسپۋبليكالىق قوعامدىق بىرلەستىگى الماتى قالاسىنىڭ تەولوگيالىق وقۋ ورىندارىندا وقيتىن ستۋدەنتتەر اراسىندا قازاق حالقىنىڭ رۋحاني قۇندىلىقتارىن ناسيحاتتايتىن - «ۇلتتىق تانىم» جاڭا جوباسىن ۇيىمداستىرادى.

«ۇلتتىق تانىم» جاڭا جوباسى اياسىندا، قويىنىنا سان عاسىرلىق تاريحىن جاسىرعان الماتى اسەم شاھارىنىڭ تەرەڭىنە ءۇڭىلىپ، مادەني ورىندارىمەن تانىسۋ ءۇشىن، نۇر-مۇباراك ەگيپەت يسلام مادەنيەتى ۋنيۆەرسيتەتى مەن ءابۋ حانيفا مەدرەسە كوللەدجىنىڭ تەولوگيا، ءدىنتانۋ، يسلامتانۋ ماماندىعىنىڭ 200-گە جۋىق تالىمگەرلەرى ارنايى تانىمدىق-اكادەميالىق كەزدەسۋ كۇندەرىنە قاتىسادى.

كەزدەسۋ كۇندەرى - 14 قىركۇيەك ساع.15.00-دە قازاقستان رەسپۋبليكاسىنىڭ ورتالىق مەملەكەتتىك مۇراجايىندا، 19 قىركۇيەك ساع.18.30-دا ع.مۇسىرەپوۆ اتىنداعى جاستار جانە جاسوسپىرىمدەر تەاترىندا، 28 قىركۇيەك 15.00-دە ىقىلاس اتىنداعى ۇلت اسپاپتارى مۋزەيىندە، 05-قازان 15.00-دە «بورالداي-ساق قورعاندارى» اشىق اسپان استىنداعى مۋزەيىندە ستۋدەنتتەر - وتاندىق تاريح، مادەنيەت، ەتنوگرافيا، ونەر، فولكلور جانە ت.ب. ەلىمىزدىڭ ۇلتتىق قۇندىلىقتارى جونىندە تولىق ماعلۇمات الاتىن بولادى.

جوبانىڭ ماقساتى – شالعاي ايماقتاردان، اۋىلدان، قالادان تىس وڭىرلەردەن كەلىپ، تەولوگيا ماماندىعىندا ءدارىس الىپ جۇرگەن بولاشاق جاس ماماندارعا الماتىنىڭ باي تاريحى مەن قۇندى مادەنيەتىن، ۇلتىمىزدىڭ اسىل رۋحانياتى جيناقتالعان ماتەريالدىق-رۋحاني قۇندىلىقتارىمەن تانىستىرۋ بولماق.

قوسىمشا اقپارات الۋ ءۇشىن:
«جاستار ءۇنى» رقق،
ۇيلەستىرۋشىلەر - اسەت 8747 774 7098, رۋستام 8701 232 7884

Abai.kz