فاكتى قر قك 293-بابى (بۇزاقىلىق) بويىنشا تىركەلدى جانە تەرگەلىپ جاتىر. پوليتسيا ىسكە قاتىستى وزگە دەرەكتەردى جاريالاعان جوق.

ايتا كەتەيىك، بۇعان دەيىن بەلگىسىز بىرەۋلەر دەپۋتات بازاربەكتىڭ بالاسىنىڭ كولياسكاسىن ورتەپ كەتكەنى تۋرالى اقپارات تاراعان.

«مەنىڭ وتباسىما بەلگىسىز بىرەۋلەردەن قوقان-لوققىعا ۇقسايتىن ارەكەتتەر باستالدى. كىشكەنتاي بالاپانىمنىڭ كولياسكاسىن كۆارتيرامىزدىڭ ەسىگى الدىندا جاعىپ جىبەرگەن. وسىلاي، ەسكى قازاقستاننىڭ وكىلدەرى ءوزىنىڭ بار-جوعىن ەسكەرتىپ، ءبىلدىرتىپ وتىرعانداي سەزىنەسىڭ!» - دەپ جازدى دەپۋتات.

باقىتجان بازاربەكتىڭ ءوزى ماجىلىستە جەر ماسەلەسىن ءجيى كوتەرەدى. ەكى كۇن بۇرىن عانا ءبىر توپ سەناتوردىڭ «جەر كودەكسىنە كۇماندى جانە اسا قاۋىپتى تۇزەتۋدى ۇسىنىپ» وتىرعانىن، سەناتورلار قورعالاتىن تابيعي اۋماقتاردىڭ ءبىر بولىگىن اۋىلدى ەلدى مەكەندەردىڭ قۇرامىنا اۋىستىرۋ مۇمكىندىگىن بەرۋگە تىرىسىپ جاتقانىن ءمالىم ەتكەن ەدى.

Abai.kz