قر ۇكىمەتىنىڭ قاۋلىسىمەن ەرلان سادكەنۇلى نۇرپەيىسوۆ قر توتەنشە جاعدايلار ۆيتسە-ءمينيسترى قىزمەتىنە تاعايىندالدى.

ەرلان نۇرپەيىسوۆ 1971 جىلى شىعىس قازاقستان وبلىسىندا دۇنيەگە كەلگەن.

قر ءىىم الماتى تەحنيكالىق ينستيتۋتىن بىتىرگەن.

ەڭبەك جولىن 1992 جىلى ءىىب ءورت ءسوندىرۋ ءبولىمىنىڭ دايىندىق جانە ءورت ءسوندىرۋ قىزمەتى، ءورت تەحنيكاسى جانە بايلانىس قۇرالدارى ءبولىمىنىڭ ينجەنەرى بولىپ باستادى.

1993-1997 جىلدارى — شقو ءىىب جانىنداعى مەملەكەتتىك ورتكە قارسى قىزمەت باسقارماسىنىڭ ءورت ءسوندىرۋدى ۇيىمداستىرۋ ءبولىمىنىڭ ينجەنەرى، اعا ينجەنەرى.

1997-2000 جىلدارى — شقو مەملەكەتتىك ورتكە قارسى قىزمەتى ماتەريالدىق-تەحنيكالىق قامتاماسىز ەتۋ ءبولىمىنىڭ اعا ينجەنەرى.

2000-2002 جىلدارى — شقو مەملەكەتتىك ورتكە قارسى قىزمەتى جەدەل باسقارماسى ءورت ءسوندىرۋدى ۇيىمداستىرۋ ءبولىمىنىڭ اعا ينجەنەرى.

2002-2005 جىلدارى — شقو مەملەكەتتىك ورتكە قارسى قىزمەت باس باسقارماسىنىڭ جەدەل باسقارماسى ءورت ءسوندىرۋ جانە اۆاريالىق-قۇتقارۋ جۇمىستارىن ۇيىمداستىرۋ ءبولىمىنىڭ باس مامانى.

2005-2006 جىلدارى — شقو توتەنشە جاعدايلار سالاسىنداعى مەملەكەتتىك باقىلاۋ جانە قاداعالاۋ باسقارماسىنىڭ ءورت ءسوندىرۋ جانە اۆاريالىق-قۇتقارۋ بولىمشەلەرىنىڭ قىزمەتىن ۇيلەستىرۋ باسقارماسى باستىعىنىڭ ورىنباسارى.

2006-2007 جىلدارى — شقو ورتكە قارسى قىزمەت دەپارتامەنتى باستىعىنىڭ ورىنباسارى.

2007-2012 جىلدارى — شقو تجد «ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى» مم باسشىسى.

2012-2018 جىلدارى — الماتى قالاسى توتەنشە جاعدايلار دەپارتامەنتى باستىعىنىڭ ورىنباسارى.

2018-2020 جىلدارى — الماتى وبلىسى توتەنشە جاعدايلار دەپارتامەنتىنىڭ باستىعى.

2020 جىلدىڭ قىركۇيەگىنەن باستاپ قازىرگى ۋاقىتقا دەيىن شىعىس قازاقستان وبلىسى توتەنشە جاعدايلار دەپارتامەنتىنىڭ باسشىسى قىزمەتىن اتقاردى.

Abai.kz