بۇگىن الماتىدا ەرجان ساتىبالدى مەن قاجىمۇرات شەشەنقۇل شاڭىراعى ماۋسىم ايىندا قانىشەرلەر قولىنان مەزگىلسىز مەرت بولعان مارقۇمدارعا قىرقى ءنازىر بەردى. قارالى جيىنعا جيىلعان قازاق زيالىلارى باستاعان 1000-عا جۋىق ادام قازالى وتباسىنا كوڭىل ايتتى. جۇرت تالابى – قانىشەرلەرگە ءولىم جازاسىن بەرۋ.
ەستەرىڭىزدە بولسا، 11 ماۋسىمدا الماتى قالاسىنىڭ تۇرعىنى، قىتايدان كەلگەن قانداسىمىز ەرجاننىڭ وتباسى ورىنى تولماس قازاعا ۇشىراعان ەدى. ەرجاننىڭ ۇيىندە جوقتىعىن پايدالانىپ، ونىڭ جاقىن اعايىنى 19 جاستاعى ەلمۇرات شەشەنقۇلۇلى مەن جارى 34 جاستاعى نۇرگۇل مەنەسباەۆانى ولتىرگەن قانىشەرلەر دالادا ويناپ جۇرگەن 7 جاستاعى سىلامنۇر مەن 3 جاستاعى سىرمۇحاممەتتى ۇيگە شاقىرىپ، تۇنشىقتىرىپ ولتىرگەن.
مارقۇمداردىڭ قازاسىنا قان جىلاعان جۇرت قانىشەرلەردىڭ ءولىم جازاسىنا لايىق ەكەنىن، ەگەر ءتيىستى جازاسىن الماسا ەل بولىپ قىلمىستىلاردان قاندى كەگىن الاتىندىقتارىن ايتىپ ەدى...
ەرجان ساتىبالدىۇلى، نۇرگۇلدىڭ جارى، قوس ءسابيدىڭ اكەسى:

بۇگىن الماتىدا ەرجان ساتىبالدى مەن قاجىمۇرات شەشەنقۇل شاڭىراعى ماۋسىم ايىندا قانىشەرلەر قولىنان مەزگىلسىز مەرت بولعان مارقۇمدارعا قىرقى ءنازىر بەردى. قارالى جيىنعا جيىلعان قازاق زيالىلارى باستاعان 1000-عا جۋىق ادام قازالى وتباسىنا كوڭىل ايتتى. جۇرت تالابى – قانىشەرلەرگە ءولىم جازاسىن بەرۋ.
ەستەرىڭىزدە بولسا، 11 ماۋسىمدا الماتى قالاسىنىڭ تۇرعىنى، قىتايدان كەلگەن قانداسىمىز ەرجاننىڭ وتباسى ورىنى تولماس قازاعا ۇشىراعان ەدى. ەرجاننىڭ ۇيىندە جوقتىعىن پايدالانىپ، ونىڭ جاقىن اعايىنى 19 جاستاعى ەلمۇرات شەشەنقۇلۇلى مەن جارى 34 جاستاعى نۇرگۇل مەنەسباەۆانى ولتىرگەن قانىشەرلەر دالادا ويناپ جۇرگەن 7 جاستاعى سىلامنۇر مەن 3 جاستاعى سىرمۇحاممەتتى ۇيگە شاقىرىپ، تۇنشىقتىرىپ ولتىرگەن.
مارقۇمداردىڭ قازاسىنا قان جىلاعان جۇرت قانىشەرلەردىڭ ءولىم جازاسىنا لايىق ەكەنىن، ەگەر ءتيىستى جازاسىن الماسا ەل بولىپ قىلمىستىلاردان قاندى كەگىن الاتىندىقتارىن ايتىپ ەدى...
ەرجان ساتىبالدىۇلى، نۇرگۇلدىڭ جارى، قوس ءسابيدىڭ اكەسى:
– بىزگە تەرگەۋ ماتەريالدارىمەن تانىسۋعا ەشقانداي مۇمكىندىك بەرىلگەن جوق. ەستۋىمىزشە، قىلمىسكەرلەردىڭ بىرەۋى قىلمىسىنان جالتارىپ جاتقان كورىنەدى. ولاردىڭ ءولىم قۇشقانىن كورمەي مەنىڭ دە، جۇرتتىڭ دا جۇرەگى تىنشيتىن ەمەس. ەگەر وسىنداي قانىپەزەرلەردى جەر باسىپ، ءتىرى جۇرۋگە مۇمكىندىك بەرسە، قازاقستان زاڭىنىڭ قانداي قاسيەتى بولماق! ءتىپتى، شاريعاتتا دا قىلمىستىعا ءوز ىستەگەن قىلمىسىنا ساي جازا تاعايىنداۋ كەرەكتىگى ايتىلعان ەمەس پە؟ مۇنداي جاۋىزداردى اياۋسىز جازالاساق، قۇدايدىڭ الدىندا دا، ادامنىڭ الدىندا دا ارىمىز تازا بولار ەدى...
قارالى جۇرتتىڭ سويلەۋگە شاماسى جوق. ءبارىنىڭ ايتاتىنى، «بۇل جاۋىڭا دا تىلمەيتىن سۇمدىق!». ولار مۇنداي جانتۇرشىگەرلىك قىلمىستى ەلباسى نۇرسۇلتان نازارباەۆتىڭ، قر ىشكى ىستەر ءمينيسترى قالمۇحمابەت قاسىموۆتىڭ تىكەلەي نازارىندا ۇستاۋىن تالاپ ەتىپ وتىر.
قازانىڭ ارتى قايىرلى بولعاي! جۇرەگى تەمىر ادامدار بولماسا، التىن ۇيا وتباسى بار، قۇشاقتارىندا موپ-موقان سابيلەرى بار كەز كەلگەن جان ەرجاننىڭ قايعىسىن شىن تۇسىنەر...

Abai.kz