قازاقستاندا قۇمار ويىندارعا تاۋەلدى ادامدار سانى شامامەن 36 مىڭعا جەتتى، دەپ حابارلايدى Ulysmedia.kz.

بۇل تۋرالى قر دەنساۋلىق ساقتاۋ مينيسترلىگى ءمالىم ەتتى.

"بىرقاتار شەتەلدىك عىلىمي زەرتتەۋلەرگە سايكەس، الەمدە لۋدومانيانىڭ تارالۋى جەر شارىنداعى ەرەسەك تۇرعىنداردىڭ شامامەن 3%-ى دەپ باعالانادى، شامامەن 12,5%- ى ۇنەمى وينايدى. سونىمەن قاتار لۋدومانيانىڭ كلينيكالىق ولشەمشارتتارى بار ادامداردىڭ تەك 8%-ى وزدەرىن قۇمار ويىندارعا تاۋەلدى ادامدار دەپ سانايدى. قازاقستانعا ماتەماتيكالىق مودەلدەۋ كەزىندە قۇمار ويىندارعا تاۋەلدىلىكپەن بايلانىستى پروبلەمالاردى مويىندايتىن ادامداردىڭ سانى شامامەن 36 مىڭ بولدى", – دەلىنگەن حابارلامادا.

مينيسترلىك تاۋەلدىلىك پروفيلاكتيكاسىنىڭ ۇلتتىق جۇيەسىنىڭ (حيميالىق جانە حيميالىق ەمەس) جوباسىن دايىنداماق، ونىڭ شەڭبەرىندە بىرقاتار ءىس-شارالار ىسكە اسىرىلماق. تاۋەلدىلىگى بار ادامدارعا كومەك كورسەتۋ ستيگماسىن تومەندەتۋ ماقساتىندا ولاردىڭ ەسەپ ساياساتىنا وزگەرىستەر ەنگىزىلەدى.

مينيستر اجار عينياتتىڭ ايتۋىنشا، قولدانىستاعى كلينيكالىق حاتتامالار، ەمدەۋ ستاندارتتارى، مەديتسينالىق كومەك كورسەتۋ ساپاسى جەكە ناركولوگيالىق ورتالىقتاردا دا قولدانىلۋعا ءتيىس.

ايتا كەتەيىك، بۇدان بۇرىن توقاەۆ قازاقستاندا قۇمار ويىندارعا قاتىستى شەكتەۋلەردى كۇشەيتۋدى تاپسىرعان.

فوتو: اشىق دەرەككوزدەن

Abai.kz