الماتى سوتىنىڭ مالىمەتىنشە، جابىرلەنۋشىلەردىڭ ءوتىنىشى بويىنشا ا.كلەبانوۆقا قاتىستى سوت وتىرىسى جابىق رەجيمدە وتەدى.

«20 قىركۇيەك كۇنى الماتى قالاسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىندا ا.كلەبانوۆقا مەديتسينالىق سيپاتتاعى ماجبۇرلەۋ شارالارىن قولدانۋ تۋرالى تەرگەۋشىنىڭ قاۋلىسىن قاراۋ بويىنشا كەزەكتى سوت وتىرىسى ءوتتى. بىرقاتار جابىرلەنۋشىدەن سوت وتىرىستارىن جابىق رەجيمدە وتكىزۋ تۋرالى ءوتىنىش ءتۇستى»،- دەپ حابارلادى الماتى سوتىنىڭ ءباسپاسوز قىزمەتى.

سوت اتالعان تۇلعالاردىڭ جانە ولاردىڭ وتباسى مۇشەلەرىنىڭ جەكە ومىرىنە قاتىستى مالىمەتتەردى جاريا ەتۋگە جول بەرمەۋ قاجەتتىلىگىن ەسكەرە وتىرىپ، قىلمىستىق ءىس جۇرگىزۋ كودەكسىنىڭ 29-بابىنا سايكەس، اتالعان ءوتىنىشحاتتى قاناعاتتاندىردى.

ودان ءارى سوت وتىرىسى جابىق تۇردە وتەدى.

بۇعان دەيىن ىشكى ىستەر مينيسترلىگى مەن ۇلتتىق قاۋىپسىزدىك كوميتەتىنىڭ ۆەدومستۆوارالىق جەدەل-تەرگەۋ توبى رەداكتسيالار مەن قازاقستاندىق باق وكىلدەرىنە شابۋىل جاساۋ فاكتىلەرىن تەكسەرىپ جاتقانى تۋرالىحابارلانعان بولاتىن.

Abai.kz