وبلىس اكىمدىگىنىڭ مالىمەتىنشە، اۋىل تۇرعىنى ءسىبىر جاراسى اۋرۋىنا شالدىققان دەگەن كۇدىككە ءىلىندى. ناۋقاس پتر تەستىنەن ءوتتى، قازىرگى ۋاقىتتا اۋرۋ راستالمادى.

“توتەنشە جاعدايلاردىڭ الدىن الۋ جانە جويۋ جونىندەگى جوسپاردان تىس وبلىستىق كوميسسيانىڭ وتىرىسىندا حالىقتىڭ قاۋىپسىزدىگىن قامتاماسىز ەتۋ ماقساتىندا جەرگىلىكتى اۋقىمدا تابيعي توتەنشە جاعداي جاريالاۋ تۋرالى شەشىم قابىلداندى. قازىرگى تاڭدا جەتىجار اۋىلىنىڭ كىرەبەرىسىنە سانيتارلىق بەكەت ورناتىلىپ، اۋىلدان اۋىل شارۋاشىلىعى ونىمدەرىن شىعارۋعا ۋاقىتشا شەكتەۋ قويىلدى. سونداي-اق، جاعدايدىڭ سەبەپتەرىن انىقتاۋ ءۇشىن اۋديتورلىق جۇمىستار جۇرگىزىلىپ جاتىر”، – دەلىنگەن حابارلامادا.

مامانداردىڭ ايتۋىنشا، ءسىبىر جاراسى اۋا تامشىلارى ارقىلى تارالمايدى. جارا اۋرۋ مالدىڭ ەتى، تەرى، ءجۇنى نەمەسە لاستانعان تاعامدار مەن اۋىز سۋدى ءىشىپ-جەۋ ارقىلى جۇعۋى مۇمكىن.

ايتا كەتەيىك، بۇدان بۇرىن اقمولا وبلىسىندا ءسىبىر جاراسى ەتەك جايعانى حابارلاندى.