قازىر رينات زايتوۆتىڭ ايگىلى سوزىنەن كەيىن قوعامدا ۇلكەن داۋ-داماي بولىپ جاتىر.

مەنىڭشە، بار ماسەلە ريناتتا ەمەس، ماسەلە "قوعامدا نە سەبەپتەن الاياقتىق ارەكەتتەر كوبەيىپ كەتتى؟" - دەگەن سۇراقتا  سياقتى. وسىعان جاۋاپ ىزدەۋ كەرەك.

سوندا:

"الاياقتىق" اتتى قىلمىستىق ارەكەتتىڭ ءومىر ءسۇرۋ ارەالى مەن دەڭگەيلەرىن انىقتاۋعا قول جەتەدى.

"الاياقتىقتىڭ" قالاي جۇزەگە اساتىنىن، وعان كىمدەر بەيىم ەكەندىگىن، ونىڭ "كلاسسيكالىق ۇلگىسى" قاي تاراپتان باستاۋ الىپ جاتقانىن انىقتاۋعا قول جەتەدى.

وسىلاردى زەردەلەي كەلە، "الاياق" ارەكەتتەرى تەك دىندە عانا ەمەس، ول كوررۋپتسيامەن بىرىگىپ الىپ باسقارۋ جۇيەسىنە دە، بانك جۇيەسىنە دە جانە باسقا بارلىق سالالارعا ەنىپ العانىن كورەمىز.

بىراق، وزگەرمەيتىن ءبىر ەرەجە بار، ول - الاياقتىق جاساۋ ءۇشىن ادامدى سەندىرە ءبىلۋ كەرەك.

ونى، بيلىك تارماعى كۋالىگىن كورسەتىپ تە جۇزەگە اسىرۋعا بولادى.

نە، ولاي بولماسا، ءدىندى دە قولدانۋعا بولادى.

ال ءدىننىڭ ءبىر اتريبۋتى قازىر "ساقال" بوپ تۇر...

ەندەشە، الاياقتارعا نەگە "وزىنەن ءوزى وسە بەرەتىن ساقالدى" ەمىن-ەركىن قولدانباسقا؟

نەگە "نامازدى" دا قولدانباسقا؟

الاياقتىڭ اتى - الاياق!

وعان ءبارىبىر، نەنى بولسا دا قولدانا بەرەدى، ماقساتىنا جەتسە بولدى دا!

سوندىقتان، رينات قوعامداعى وسى ماسەلەنى كوتەردى دەپ دىنشىلدەردىڭ تۋلاۋىنا ەش نەگىز جوق.

ولار: "نە سەبەپتەن الاياقتار ءبىزدىڭ ءدىندى كوپ قولدانادى؟"  دەگەن سۇراققا جاۋاپ ىزدەگەندەرى ءجون...

شىندىعى وسى!

ءابدىراشيت باكىرۇلى

Abai.kz