وتكەن تامىز ايىندا ەكىنشى دەڭگەيلى بانكتەر مەن جەكەلەگەن ايىرباستاۋ پۋنكتەرىندە 3 072 دانا التىن قۇيما ساتىلدى. ولاردىڭ جالپى سالماعى 137,2 كەلىنى قۇرايدى دەپ مالىمدەدى ۇلتتىق بانك. 

ۇلتتىق بانك حالىققا تازارتىلعان التىن قۇيمالاردى ساتۋ جانە ساتىپ الۋ باعدارلاماسىن 2017 جىلى ىسكە قوسقان بولاتىن. وسى ۋاقىتقا دەيىن جالپى سالماعى 4,8 توننا 138 255 دانا قۇيما ساتىلعان.

التىن قۇيمالار بەس ءتۇرلى سالماقتا ۇسىنىلادى: 5, 10, 20, 50 جانە 100 گ. ساتىپ الۋشىلار اراسىندا ەڭ كوپ سۇرانىسقا يە ءتۇرى – 10 گرامدىق التىن قۇيمالار. جالپى ساتىلعان قۇيمالار اراسىندا ونىڭ ۇلەسى 35 842 دانانى (26%) قۇرايدى. ال 5 گرامدىق التىن قۇيمانىڭ 31 325 داناسى (23%), 100 گرامدىق قۇيمانىڭ 29 381 داناسى (21%), 20 گرامدىق قۇيمانىڭ 25 050 داناسى (18%) جانە 50 گرامدىق قۇيمانىڭ 16 657 داناسى (12%) ساتىلعان.

وتكەن تامىز ايىندا التىن كەسەكتەرى ەڭ كوپ ساتىلعان وڭىرلەر:

- الماتى (1 527 دانا، 55%);

- شىمكەنت (693 دانا، 25%);

- استانا (221 دانا، 8%).

باعدارلاما ىسكە قوسىلعالى ەكىنشى دەڭگەيلى بانكتەر مەن جەكەلەگەن ايىرباستاۋ پۋنكتەرى 24 500 التىن قۇيمانى (جالپى سالماعى 644 كەلى) كەرى ساتىپ العان. بۇل جالپى ساتىلعان كولەمنىڭ – 18%.

سالماعى ءارتۇرلى كەسەك التىندى Halyk Bank-تەن، ەۋرازيالىق بانكتەن، Jusan Bank-تەن، تسەنتركرەديت بانكىنەن جانە جەكەلەگەن ايىرباستاۋ پۋنكتەرىنەن ساتىپ الىپ، كەرى ساتۋعا بولادى. التىن قۇيمالار سەنىمدى ينۆەستيتسيا قۇرالى بولا الادى.

فوتو: اشىق دەرەككوزدەن

Abai.kz