2024 جىلدىڭ 1 قاڭتارىنان باستاپ پاسپورت پەن جەكە كۋالىكتى راسىمدەۋ كەزىندە ازاماتتاردان ساۋساق ءىزى الىنادى. داكتيلوسكوپيالىق تىركەۋدىڭ مىندەتتى بولاتىنىن ىشكى ىستەر مينيسترلىگىندە وتكەن بريفينگىدە كوشى-قون قىزمەتى كوميتەتىنىڭ اعا ينسپەكتورى نۇرجان جاناباەۆ ايتتى.

«داكتيلوسكوپيالىق تىركەۋ – بۇل ساۋساقتاردىڭ پاپيلليارلىق ۇلگىلەرىنىڭ قۇرىلىمدىق ەرەكشەلىكتەرى تۋرالى اقپارات الۋ. مىندەتتى داكتيلوسكوپيالىق تىركەۋ ەلىمىزدە 2024 جىلدىڭ 1 قاڭتارىنان باستالادى. 12 جاسقا دەيىنگى بالالاردان باسقا، قر بارلىق ازاماتتارى جانە قازاقستاندا تۇراقتى تۇراتىن شەتەلدىكتەر داكتيلوسكوپيالىق تىركەۋگە جاتادى. 12 جاستان 16 جاسقا دەيىنگى بالالار داكتيلوسكوپيالىق تىركەۋدەن ەرىكتى نەگىزدە وتەدى. ساۋساق ىزدەرىن الۋ حالىققا قىزمەت كورسەتۋ ورتالىقتارىندا جەكە كۋالىكتى، پاسپورتتى، شەتەلدىكتىڭ ەلدە تۇرۋعا ىقتيارحاتتى جانە ازاماتتىعى جوق ادامنىڭ كۋالىكتى رەسىمدەۋى كەزىندە جۇرگىزىلەتىن بولادى”، – دەدى سپيكەر.

نۇرجان جاناباەۆتىڭ ايتۋىنشا، ساۋساق ىزدەرىن الۋ پروتسەسىنەن باس تارتقانى جاعدايدا ازاماتقا اكىمشىلىك قۇقىق بۇزۋشىلىق كودەكسىنىڭ 443-1-بابىنا سايكەس جازا قولدانىلادى.