ءۇندىستاننىڭ IndiGo لوۋكوستەرى دەليدەن الماتىعا اۋە رەيستەرىن اشتى، دەپ حابارلايدى ازاماتتىق اۆياتسيا كوميتەتىنىڭ ءباسپاسوز قىزمەتى.

ازاماتتىق اۆياتسيا كوميتەتى حالىقارالىق رەيستەر سانىن ۇلعايتۋ جانە ۇشۋ گەوگرافياسىن تۇراقتى نەگىزدە كەڭەيتۋ بويىنشا جۇمىس جۇرگىزۋدە.

اعىمداعى جىلدىڭ 24 قىركۇيەگىندە ءۇندىستاننىڭ "IndiGo" لوۋكوستەر اۋە كومپانياسى ا–320 جانە ا-321 ءتيپتى اۋە كەمەلەرىمەن اپتاسىنا 3 رەيس جيىلىگىمەن (سەيسەنبى، بەيسەنبى جانە سەنبى) دەلي-الماتى باعىتى بويىنشا قازاقستانعا تىكەلەي جولاۋشىلار رەيستەرىن ىسكە قوستى.
دەلي مەن الماتى قالالارى اراسىنداعى ءبىرىنشى رەيستە ورتاشا كوممەرتسيالىق جۇكتەمە 69% قۇرادى.
قازاقستان مەن ءۇندىستان اراسىنداعى رەيستەردىڭ ۇلعايۋى ەلدەر اراسىنداعى ساۋدا - ەكونوميكالىق، ىسكەرلىك، ينۆەستيتسيالىق، تۋريستىك جانە مادەني ىنتىماقتاستىقتى ودان ءارى دامىتۋعا ىقپال ەتەتىن بولادى.

"IndiGo" - ءۇندىستاننىڭ ەڭ ءىرى تومەن بيۋدجەتتىك اۋە تاسىمالداۋشىسى. 2006 جىلدىڭ تامىزىندا قۇرىلعان. اۋە كومپانياسىنىڭ پاركى سىيىمدىلىعى 186, 222, 232 ورىندىق جانە بولاتىن 300-گە جۋىق ا-320, ا-321 جانە ATR-72 اۋە كەمەلەرىنەن تۇرادى. باعىتتاردىڭ جالپى سانى – 104, ونىڭ ىشىندە 78 – ىشكى، 26 – حالىقارالىق باعىتتار (شۆەيتساريا، بەلگيا، يرلانديا، سينگاپۋر، يسپانيا، فرانتسيا، مالايزيا، باحرەين، ۆەنگريا، بانگلادەش، شري-لانكا، دانيا، گونكونگ، نەپال، پورتۋگاليا جانە ت.ب.).

Abai.kz