ۇكىمەت «قايتارىلعان اكتيۆتەردى باسقارۋ كومپانياسى» جاۋاپكەرشىلىگى شەكتەۋلى سەرىكتەستىگىن قۇرۋ ماسەلەلەرى تۋرالى» 2023 جىلعى 21 قىركۇيەكتەگى قاۋلىسىن قابىلدادى، دەپ حابارلادى Zakon.kz.

جارعىلىق كاپيتالىنا مەملەكەت ءجۇز پايىز قاتىساتىن «قايتارىلعان اكتيۆتەردى باسقارۋ كومپانياسى» جاۋاپكەرشىلىگى شەكتەۋلى سەرىكتەستىگى قۇرىلسىن، – دەلىنگەن قۇجاتتا.

وسى قۇجاتقا سايكەس، «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» قازاقستان رەسپۋبليكاسىنىڭ زاڭىندا جانە باسقا دا زاڭداردا بەلگىلەنگەن تارتىپپەن قايتارىلعان اكتيۆتەردى باسقارۋ، ساقتالۋىن قامتاماسىز ەتۋ، وتكىزۋ سەرىكتەستىك قىزمەتىنىڭ نەگىزگى نىسانالارى بولىپ ايقىندالدى.

سەرىكتەستىكتىڭ جارعىلىق كاپيتالىنا قاتىسۋدىڭ مەملەكەتتىك ۇلەسىنە يەلىك ەتۋ جانە ونى پايدالانۋ قۇقىعى قارجى مينيسترلىگىنىڭ مەملەكەتتىك مۇلىك جانە جەكەشەلەندىرۋ كوميتەتىنە بەرىلەدى.

كوميتەت قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن:

سەرىكتەستىك جارعىسىن بەكىتۋدى;

مەملەكەتتىك تىركەۋ ءۇشىن سەرىكتەستىك اتىنان قۇجاتتارعا قول قويۋعا، سەرىكتەستىك ورگاندارى قۇرىلعانعا دەيىن قارجىلىق-شارۋاشىلىق قىزمەتتى ىسكە اسىرۋعا جانە ءۇشىنشى تۇلعالار الدىندا ونىڭ مۇددەلەرىن بىلدىرۋگە ۋاكىلەتتىك بەرىلگەن تۇلعانى سايلاۋدى;

سەرىكتەستىكتى «ازاماتتارعا ارنالعان ۇكىمەت» مەملەكەتتىك كورپوراتسياسىندا مەملەكەتتىك تىركەۋدى قامتاماسىز ەتەدى، – دەلىنگەن قۇجاتتا.

قاۋلى قول قويىلعان كۇنىنەن باستاپ كۇشىنە ەنەدى.