سولتۇستىك قازاقستان وبلىستىق توتەنشە جاعدايلار دەپارتامەنتىنىڭ جەدەل-تەرگەۋ توبى وقيعا ورنىندا جۇمىس ىستەپ جاتىر. ءتيىستى ساراپتامالار جۇرگىزىلەدى. قىلمىستىق ءىس قوزعالدى.

«ءۇش ادامنىڭ دەنەسى ءۇيدىڭ كىرەبەرىسىنەن تابىلدى. ولار: 2003 جىلعى كەلىنشەك، 2018 جىلى تۋعان ۇل جانە 2022 جىلى تۋعان قىز بالا. وقيعا ورنىن قاراۋ كەزىندە پەشتىڭ جاعىلماعاندىعىن كوردىك. الدىن الا بولجام بويىنشا ءورت ەلەكتر جەلىلەرىنىڭ قىسقا تۇيىقتالۋىنان شىعۋى مۇمكىن، تەكسەرىس كەزىندە ءۇيدىڭ توبەسىنىڭ قاتتى كۇيگەنىن بايقادىق»، - دەيدى سقو تجد باسقارماسىنىڭ باستىعى اسلان احمەتجانوۆ.

بۇل باسپانا جالعا بەرىلىپ كەلگەن. قازا تاپقان 20 جاستاعى ايەل بىردەن اسقان قىزىمەن، كۇيەۋىمەن جانە كۇيەۋىنىڭ 40 جاستاعى اناسى 5 جاسار ۇلىمەن بىرگە تۇرعان.

ەنەسى سول كۇنى جۇمىستا بولعان، ال ەر ادامدى ۇيىقتاپ جاتقان جەرىنەن ايەلى وياتقان ەكەن، بىراق ول ۇيدەگىلەردى قۇتقارىپ ۇلگەرمەگەن.

پەتروپاۆل اكىمدىگى زارداپ شەككەندەرگە كومەك كورسەتپەك.

«كەشە قالامىزدا قايعىلى جاعداي بولدى. قىزىل جالىن ءۇش ادامنىڭ ءومىرىن اكەتتى.

قازا تاپقان ادامداردىڭ تۋعاندارىنا قايعىرىپ كوڭىل ايتامىن.

جەرگىلىكتى اتقارۋشى ورگان تاراپىنان جەرلەۋ راسىمىنە، ۋاقىتشا جالدامالى پاتەرگە، باسقا دا قاجەتتىلىكتەرگە قارجىلاي كومەك كورسەتىلەتىن بولادى»، - دەپ جازدى الەۋمەتتىك جەلىدەگى پاراقشاسىندا پەتروپاۆل اكىمى سەرىك مۇحامەديەۆ.

فوتو: عالامتوردان

Abai.kz