وكم وپەراتورىنا قاتىستى ءاليا نازارباەۆاعا ەشقانداي قىلمىستىق ءىس اشىلعان جوق. بۇل تۋرالى باس پروكۋروردىڭ ورىنباسارى اسەت شىنداليەۆ حابارلادى.

«ءاليا نازارباەۆاعا قاتىستى قىلمىستىق قۋدالاۋ نەمەسە ءىس قوزعاۋ تۋرالى مۇلدە مالىمەت جوق. جاقىندا وكم بويىنشا ۇكىم شىقتى. قالالىق سوت شەشىمدى وزگەرىسسىز قالدىردى. ال سىزدەر ايتىپ وتىرعان كىسى ء(اليا نازارباەۆا – اۆتور) تۋرالى اقپارات جوق»، – دەدى باس پروكۋراتۋرا وكىلى.

ەسكە سالايىق، شىلدەدە «وپەراتور روپ» ءىسى بويىنشا سوت ۇكىمى شىققان.

ەكولوگيا ۆيتسە-ءمينيسترى احمەتجان پىرىمقۇلوۆ، «وپەراتور روپ» جشس باسقارما توراعاسى مەدەت قۇمارعاليەۆ، باس ديرەكتور سۆەتلانا كوروتكەنكو جانە قارجى ديرەكتورى رۋستەم تەمىربەك قاماۋعا الىندى. ولارعا التى قوقىس شىعاراتىن زاۋىت سالۋ ءۇشىن جەكە ۇيىمدى زاڭسىز قارجىلاندىرۋ ارقىلى كادەگە جاراتۋ الىمدارى تۇرىندە جينالعان 180 ملرد تەڭگەنى ۇرلاماق بولدى دەگەن ايىپ تاعىلدى.

Abai.kz