سەنات دەپۋتاتتارى ءماجىلىس قابىلداعان «قازاقستان ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىنداعى قوس ەلدىڭ ازاماتتارىنا قاتىستى اقپارات الماسۋ تۋرالى كەلىسىمدى راتيفيكاتسيالاۋ تۋرالى» زاڭدى مۇقۇلدادى، دەپ حابارلادى Halyq Uni.

سەناتور قايرات تاستەكەەۆتىڭ ايتۋىنشا، قازاقستان مەن قىتاي اراسىندا ءتۇرلى سالادا 250-دەن اسا حالىقارالىق شارت جاسالعان. ول ىنتىماقتاستىقتى ءتيىمدى ىسكە اسىرۋ ءۇشىن قوس ەل اراسىندا ءتيىستى اقپارات الماسۋ بويىنشا شارالاردى قاراستىراتىن كەلىسىم جاساۋ قاجەتتىگى پايدا بولعانىن اتاپ ءوتتى.

راتيفيكاتسيالاۋعا ۇسىنىلىپ وتىرعان كەلىسىم قازاقستان مەن قىتايدىڭ كوشى-قون جانە قوس ازاماتتىققا قارسى ءىس-قيمىل سالاسىنداعى قۇزىرەتتى ورگاندار اراسىنداعى ءوزارا قارىم-قاتىناس جاساۋ ءۇشىن قۇقىقتىق نەگىز جاسايدى. اتاپ ايتقاندا، تاراپتاردىڭ ازاماتتارىنا قاتىستى كوشى-قون سالاسىندا اقپارات الماسۋ جونىندەگى ءتيىستى تەتىكتى جاساۋعا جانە قۇقىقبۇزۋشىلىقتاردىڭ الدىن الۋعا مۇمكىندىك بەرەدى، - دەدى دەپۋتات سەناتتىڭ جالپى وتىرىسىندا.

كەلىسىمدى راتيفيكاتسيالاۋ قوس ەل اراسىنداعى قۇقىقتىق ءتارتىپتى، قاۋىپسىزدىكتى ودان ءارى دامىتۋعا، ساقتاۋعا جانە ەكىجاقتى قارىم-قاتىناستى نىعايتۋعا ىقپال ەتەدى. 

سەنات دەپۋتاتتارى زاڭدى ءبىراۋىزدان ماقۇلدادى.