ءباسپاسوز قىزمەتىنىڭ مالىمەتتەرىنە قاراعاندا، ونەركاسىپ جانە قۇرىلىس ءمينيسترىنىڭ بۇيرىعىمەن راحىمجان ەرجانۇلى يساقۇلوۆ ۆەدومستۆو اپپاراتىنىڭ باسشىسى لاۋازىمىنا تاعايىندالدى.

تيمۋر قاراعويشين ونەركاسىپ جانە قۇرىلىس ۆيتسە-ءمينيسترى قىزمەتىنە تاعايىندالدى.

1961 جىلى باتىس قازاقستان وبلىسىندا دۇنيەگە كەلگەن. الماتى ساۋلەت-قۇرىلىس ينستيتۋتىن، تەحنولوگيا، قۇرىلىس، باعالاۋ جانە ساپانى باسقارۋ ۋنيۆەرسيتەتىن تامامداعان. ەڭبەك جولىن 1978 جىلى باستاعان. ول جىلجىمالى مەحانيكالاندىرىلعان كولوننالاردىڭ شەبەرى، پرورابى بولدى، ساۋلەت-قۇرىلىستى باقىلاۋ بيۋروسىن باسقاردى. قۇرىلىس ىستەرى كوميتەتىنىڭ باتىس قازاقستان وبلىستىق ورتالىعىنىڭ ديرەكتورى بولىپ جۇمىس ىستەدى، بقو اكىمدىگىندە دەپارتامەنتتەر باسقاردى. 2005-2007 جىلدارى — ورال قالاسى اكىمىنىڭ ورىنباسارى. 2023 جىلدىڭ ءساۋىر-تامىز ارالىعىندا قر يندۋستريا جانە ينفراقۇرىلىمدىق دامۋ مينيسترلىگى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ توراعاسى – قر باس مەملەكەتتىك قۇرىلىس ينسپەكتورى قىزمەتىن اتقاردى. 2023 جىلعى تامىزدان باستاپ قازىرگى ۋاقىتقا دەيىن قر يندۋستريا جانە ينفراقۇرىلىمدىق دامۋ ۆيتسە-ءمينيسترى بولدى.

ازامات بەيىسبەكوۆ قر ونەركاسىپ جانە قۇرىلىس ۆيتسە-ءمينيسترى قىزمەتىنە تاعايىندالدى.

1985 جىلى قاراعاندى قالاسىندا دۇنيەگە كەلگەن. ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن بىتىرگەن. پرەزيدەنتتىك جاستار كادر رەزەرۆىنىڭ مۇشەسى.

ءار جىلدارى يندۋستريا جانە جاڭا تەحنولوگيالار مينيسترلىگىندە، پرەمەر-مينيستر كەڭسەسىندە، پرەزيدەنت اكىمشىلىگىندە، قاۋىپسىزدىك كەڭەسىندە جۇمىس ىستەدى. 2022 جىلدان 2023 جىلعا دەيىن — ەڭبەك جانە حالىقتى الەۋمەتتىك قورعاۋ مينيسترلىگى اپپاراتىنىڭ باسشىسى. 2023 جىلدىڭ اقپانىنان باستاپ قازىرگى ۋاقىتقا دەيىن يندۋستريا جانە ينفراقۇرىلىمدىق دامۋ ۆيتسە-ءمينيسترى قىزمەتىن اتقاردى.

يران شارحان ونەركاسىپ جانە قۇرىلىس ۆيتسە-ءمينيسترى لاۋازىمىنا تاعايىندالدى.

يران شارحانۇلى شارحان 1987 جىلى اقتوبە وبلىسىندا دۇنيەگە كەلگەن. ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىن، قازاق ەكونوميكا، قارجى جانە حالىقارالىق ساۋدا ۋنيۆەرسيتەتىن، اباي مىرزاحمەتوۆ اتىنداعى كوكشەتاۋ ۋنيۆەرسيتەتىن بىتىرگەن. ءار جىلدارى قر دەنساۋلىق ساقتاۋ مينيسترلىگى جانىنداعى ماركەتينگ بويىنشا مامان، ساراپشى، مەملەكەتتىك ساتىپ الۋ باسقارماسى باس ساراپشىسى بولىپ جۇمىس ىستەدى. قر يندۋستريا جانە جاڭا تەحنولوگيالار مينيسترلىگى مەملەكەتتىك ساتىپ الۋ باسقارماسىن باسقاردى. 2020-2021 جىلدارى – اقتوبە وبلىسىنىڭ يندۋستريالىق-يننوۆاتسيالىق دامۋ باسقارماسىنىڭ باسشىسى، قر يندۋستريا جانە ينفراقۇرىلىمدىق دامۋ مينيسترلىگى قپق بويىنشا جەر قويناۋىن پايدالانۋ دەپارتامەنتىنىڭ ديرەكتورى.

2022 جىلدىڭ قىركۇيەگىنەن باستاپ قازىرگى ۋاقىتقا دەيىن يندۋستريا جانە ينفراقۇرىلىمدىق دامۋ ۆيتسە-ءمينيسترى بولدى.

راحىمجان يساقۇلوۆ ونەركاسىپ جانە قۇرىلىس مينيسترلىگى اپپاراتىنىڭ باسشىسى قىزمەتىنە تاعايىندالدى.

1987 جىلى شىمكەنت قالاسىندا دۇنيەگە كەلگەن. 2010 جىلى «بولاشاق» باعدارلاماسى بويىنشا رويال حوللوۆەي لوندون ۋنيۆەرسيتەتىن، بەدفورد نيۋ كوللەدجىن (ۇلىبريتانيا) بىتىرگەن. 2016 جىلى جاپونيا ۇكىمەتىنىڭ گرانتى بويىنشا ۇلتتىق اسپيرانتتار ساياسي زەرتتەۋلەر ينستيتۋتىن تامامداعان.

ءار جىلدارى قر پرەزيدەنتى اكىمشىلىگىنىڭ مەملەكەتتىك قىزمەت جانە كادر ساياساتى ءبولىمىنىڭ كەڭەسشىسى، ينسپەكتورى بولدى. 2016 جىلدان 2018 جىلعا دەيىن قر پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ-اۋماقتىق جۇمىس ءبولىمىنىڭ مەملەكەتتىك ينسپەكتورى قىزمەتىن اتقاردى. 2018 جىلدان 2020 جىلعا دەيىن باتىس قازاقستان وبلىسى اكىمى اپپاراتىنىڭ باسشىسى بولدى. 2020 جىلى قر اقپارات جانە قوعامدىق دامۋ ءمينيسترىنىڭ كەڭەسشىسى قىزمەتىن اتقاردى. 2020 جىلدان 2022 جىلعا دەيىن — استانا قالاسى اكىمى اپپاراتىنىڭ باسشىسى. 2022 جىلدان باستاپ قر اقپارات جانە قوعامدىق دامۋ مينيسترلىگى اپپاراتىنىڭ باسشىسى قىزمەتىن اتقاردى.

Abai.kz