«بولاشاق» كورپوراتيۆتىك قورىنىڭ «Bolashak Bright» جوباسى اياسىندا قايىرىمدىلىق ۇتىس ويىنى باستالدى.

بۇل – اكتسيا اياسىنداعى ءتورتىنشى ۇتىس ويىنى. «Bolashak Bright» – بۇل bolashakbright.kz ونلاين قايىرىمدىلىق پلاتفورماسى، مۇندا ءاربىر ادام قازاقستاننىڭ قايىرىمدىلىق قورلارىنا 1000 تەڭگەدەن باستاپ قايىرىمدىلىق جاساپ، باعالى جۇلدەلەر مەن سىيلىقتار ۇتىسىنىڭ قاتىسۋشىسى بولا الادى. ماقسات – حالىق اراسىندا قايىرىمدىلىقتى كەڭىنەن ناسيحاتتاۋ. جينالعان قاراجات ەلىمىزدەگى قايىرىمدىلىق قورلارىنىڭ جوبالارىنا باعىتتالادى. جارنالار 2023 جىلعى 25 قازانعا دەيىن www.bolashakbright.kz سايتىندا قابىلدانادى.

جينالعان قاراجات جامبىل وبلىسىنىڭ بالالار ۇيلەرىنىڭ بالالارىنا ارنالعان ءبىلىم بەرۋ ساياحاتىن ۇيىمداستىرۋ ءۇشىن «سويۋز جاسا» قورىنا جولداناتىن بولادى. ءبىر جىل ىشىندە قور بالالار ۇيلەرىنىڭ بالالارىنا ارنالعان 10-نان استام ساياحات ۇيىمداستىردى. 550-دەن استام بالانىڭ ارمانى ورىندالىپ، ولار الماتى، اقتاۋ قالالارىن، بايقوڭىر عارىش ايلاعىن جانە ەلىمىزدىڭ ۇلكەن قالالارى مەن كورنەكى جەرلەردى كورىپ قايتتى.

قايىرىمدىلىق جارنالارىن سالعانداردىڭ بارلىعى جۇلدەلەر مەن سىيلىقتار ۇتىسىنا قاتىسادى. باس جۇلدە – «بارىس» حك-نىڭ VIP-لوجاسىندا ءوز الاڭىنداعى ەكى ويىنىن تاماشالاۋ. VIP-لوجا 13 ادامعا ارنالعان، جەڭىمپاز تۋىستارى مەن دوستارىن شاقىرا الادى. تاعى بىرنەشە جارنا سالۋشى «بارىس» حوككەي كلۋبىنىڭ اتى جازىلعان دجەرسي كۇرتەسىن، كلۋب مۇشەلەرىنىڭ قولتاڭباسى قويىلعان كليۋشكا جانە ويىنعا بيلەتتەر ۇتاتىن بولادى.

«Bolashak Bright» جوباسى 2023 جىلدىڭ اقپان ايىندا تانىمال «Ninety One» مۋزىكالىق توبىمەن بىرلەسكەن جۇمىستان باستالدى.

العاشقى قايىرىمدىلىق جيناۋ كەزىندە 1 118 918 تەڭگە جينالدى، ال جەڭىمپاز تانىمال Q-pop توبىنىڭ مۇشەلەرىمەن لانچ كەزىندە كەزدەسۋگە مۇمكىندىك الدى. جينالعان قاراجات بۋللەزدى ەپيدەرموليزگە شالدىققان 8 جاسار ۇل بالانىڭ ساۋساقتارىن اجىراتۋ ءۇشىن وتا جاساۋعا «Kobelek Balalar» قورىنا جىبەرىلدى.

كەلەسى قايىرىمدىلىق جيناۋلاردان تۇسكەن قاراجات ەرەكشە قاجەتتىلىكتەرى بار بالالارعا ارنالعان سپورتتىق قۇرال-جابدىقتاردى ساتىپ الۋ ءۇشىن «تەڭ مۇمكىندىكتەر الەمى» قورىنا، №95 مەكتەپ-ليتسەيىندە اۋتيزم جانە باسقا دا ەرەكشە ءبىلىم بەرۋ قاجەتتىلىكتەرى بار بالالارعا ارنالعان ينكليۋزيانى قولداۋ كابينەتىن اشۋ ءۇشىن «ءار بالا مەكتەپكە بارۋعا لايىقتى» جوباسىنا باعىتتالدى. «Bolashak Bright» اكتسياسىنىڭ قايىرىمدىلىق جاساۋشىلارى قاتارىنان ۇتىس جەڭىمپازدارى قولتاڭباسى قويىلعان وليمپيادا چەمپيونى الەكساندر ۆينوكۋروۆتىڭ فۋتبولكاسىن، «TECHNODOM» كومپانياسىنان تاۋ ۆەلوسيپەدىن، «Coffeeday» كوفەحانالار جەلىسىنەن جىلدىق كوفە قورىن جانە باسقا دا سىيلىقتاردى ۇتىپ الدى.

Abai.kz