ونىڭ ايتۋىنشا، مۇنىڭ كوپ سەبەبى بار. جۋرناليستەرگە جىلۋ ماۋسىمىنا قاتىستى سۇراقتارعا جاۋاپ بەرە وتىرىپ، وسىنداي مالىمدەمە جاسادى.

"اپاتتارعا كەلەتىن بولساق، ولار ەلەكتر جۇيەسىندە ءجيى كەزدەسەدى. وىنىشكە قاراي، ودان امان وتە المايمىز. بىراق اپاتتاردىڭ سانىن ازايتۋعا كەلەر بولساق، اعىمداعى جانە كۇردەلى جوندەۋدى جوسپارلاۋ وتە ماڭىزدى. ءبىز تاريفتەردى كوتەردىك. قىس مەزگىلىنە دايىندىق بويىنشا كۇردەلى جۇمىستاردىڭ ورىندالۋىنا ەرەكشە نازار اۋدارىلدى. قازىر كەيبىر نىسان بويىنشا جۇمىستى ۇلگەرمەي جاتىر. بىراق بۇل جىلىتۋ ماۋسىمىنىڭ باستالۋىنا اسەر ەتپەيدى. قازىردىڭ وزىندە 10 وڭىردە ماۋسىم ەش قيىندىقسىز باستالدى", - دەدى مينيستر.

ايتا كەتەيىك، بۇگىن ريددەر جەو كوممۋنالدىق مەنشىككە بەرىلەتىنى حابارلانعان ەدى. ال دەپۋتات ەلنۇر بەيسەمباەۆ مينيستر الماسادام ساتقاليەۆتىڭ ەسەبىنە كۇمانمەن قارايدى. ول “قىسقا دايىنبىز” دەگەن سوزىنە قاناعاتتانبايدى.