وتكەن اپتادا ەلىمىزدە الەۋمەتتىك ماڭىزى بار ازىق-تۇلىك تاۋارلارى 0,1%-عا قىمباتتاعان، دەپ حابارلايدى Ulysmedia.kz.

ۇلتتىق ستاتيستيكا بيۋروسىنىڭ مالىمەتىنشە، باعانىڭ اپتالىق ءوسۋى سوڭعى رەت 4 اي بۇرىن –  30 مامىر مەن 6 ماۋسىم ارالىعىندا تىركەلدى.

جەكەلەگەن ونىمدەردىڭ ىشىندە جۇمىرتقا ەڭ كوپ قىمباتتاعان، ونىڭ باعاسى 1,3%-عا وسكەن.

ال كوكونىستەر، اتاپ ايتقاندا، پياز، ءسابىز جانە كارتوپ ارزانداعان.

ەسكە سالايىق، بۇدان بۇرىن قازاقستاندا ازىق-تۇلىك ءبىر جىلدا 35% قىمباتتاعانى حابارلانعان.

جۋىردا ەلىمىزدىڭ 13 وبلىسىندا ۇن باعاسى شارىقتادى.

ۇلتتىق بانك جاريالاعان دەرەكتەرگە سۇيەنسەك، قازاقستاندىقتاردىڭ 90%-ىنىڭ جان باسىنا شاققانداعى تابىسى 151 مىڭ تەڭگەدەن اسپايدى.

سونداي-اق، بۇدان بۇرىن ەلىمىزدە 355 مىڭنان استام بالا كەدەيلىك شەگىندە ءومىر ءسۇرىپ جاتقانى حابارلانعان.

Abai.kz