تابيعي مونوپوليالاردى رەتتەۋ كوميتەتىنىڭ قاراعاندى وبلىسى بويىنشا دەپارتامەنتى "ارسەلورميتتال تەمىرتاۋ" اق-عا قاتىستى جوسپاردان تىس تەكسەرۋ جۇرگىزدى، دەپ حابارلايدى Ulysmedia.kz

تەكسەرۋ تەمىرتاۋ كاسىپكەرلەرىنىڭ ۇجىمدىق وتىنىشىنەن كەيىن جۇرگىزىلگەنى حابارلاندى.

ناتيجەسىندە، «ارسەلور ميتتال تەمىرتاۋ» اق-نىڭ تاراپىنان كاسىپكەرلەردى تەمىرتاۋ قالاسىنىڭ جىلۋمەن جابدىقتاۋ جەلىلەرىنەن زاڭسىز اجىراتقانى انىقتالعان.

«تەمىرتاۋ قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان سوتىنىڭ 2023 جىلعى 5 قازانداعى قاۋلىسىمەن «تابيعي مونوپوليالار تۋرالى» قازاقستان رەسپۋبليكاسىنىڭ زاڭىن بۇزعانى ءۇشىن، «ارسەلور ميتتال تەمىرتاۋ» اق-نا 5 520 000 (بەس ميلليون بەس ءجۇز جيىرما مىڭ) تەڭگە مولشەرىندە ايىپپۇل تۇرىندە اكىمشىلىك جازا قولدانىلىپ، اكىمشىلىك جاۋاپكەرشىلىككە تارتىلدى»، – دەلىنگەن كوميتەت حابارلاماسىندا.

ايتا كەتسەك، 17 تامىزدا “ارسەلورميتتال تەمىرتاۋ” كومىر دەپارتامەنتىنە قاراستى «قازاقستان» شاحتاسىندا كونۆەيەر لەنتاسى ورتەندى. جەر استىندا بارلىعى 227 جۇمىسشى بولعان.

ءورت كەزىندە «قازاقستان» شاحتاسىنان شىعا الماي قالعان بەس كەنشى دە قازا تاپتى. پوليتسيا قر قك 277-بابىنىڭ 2-بولىگى (تاۋ-كەن نەمەسە قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ) بويىنشا سوتقا دەيىنگى تەرگەۋ جۇرگىزىپ جاتىر.

بۇعان دەيىن حابارلاعانىمىزداي، اپاتقا جاۋاپتى باسشىلار 7 جىلعا دەيىن سوتتالۋى مۇمكىن.

فوتو: اشىق دەرەككوزدەن

Abai.kz