«19 مامىردان باستاپ قىلمىستىق كودەكسكە وزگەرىستەر زاڭدى كۇشىنە ەندى. ەڭ ءجيى كەزدەسەتىن تۇرمىستىق قىلمىستار بويىنشا «كىنالىگە ماتەريالدىق نەمەسە وزگە دە تاۋەلدى ادامعا قاتىستى قىلمىس جاساۋ» ساناتى ەنگىزىلدى. ەندى تۇرمىستا دەنساۋلىققا اۋىر نەمەسە ورتاشا زيان كەلتىرۋ 3 جىلدىڭ ورنىنا 6 جىلعا دەيىن باس بوستاندىعىنان ايىرۋعا اكەلىپ سوعادى. بۇل تەرگەۋ كەزەڭىندە تۇرمىستىق جانجال شىعارعانداردى وقشاۋلاۋعا مۇمكىندىك بەردى»، - دەدى ءمينيستردىڭ ورىنباسارى بۇگىنگى ۇكىمەت وتىرىسىندا.

«مۇندا قاماۋعا الۋ مەرزىمى ۇزارتىلدى. جاساعان ءىس-ارەكەتكە بايلانىستى قاماۋعا الۋ مەرزىمى كەمىندە 5 تاۋلىكتى كوزدەيدى. العاش رەت جاسالعاندار بويىنشا 5, 10, 15 تاۋلىك، ال قايتالانعان جاعدايدا 25 تاۋلىككە دەيىن اكىمشىلىك قاماۋ تاعايىندالادى. بۇرىن مۇنداي قۇقىق بۇزۋشىلىقتار ءۇشىن كوبىنە 1-3 كۇن ارالىعىندا قاماۋ جازاسى بەرىلەتىن»، - دەدى ي.لەپەحا.

«تۇرمىستىق قۇقىق بۇزۋشىلىقتاردى تىركەۋدىڭ ارىزدانۋ تۇرىنەن انىقتاۋ سيپاتىنا كوشتىك. بۇرىن جابىرلەنۋشى ارىزىنسىز تۇرمىستىق جاڭجالقويلاردى جاۋاپقا تارتۋعا نەگىز بولمايتىن. وسى سەبەپتى وتىنىشتەردىڭ 60% بويىنشا پوليتسيا ءتيىستى شارا قولدانا المايتىن. ەندىگى تۇزەتۋلەر تۇرمىستىق زورلىق-زومبىلىق جاساۋ فاكتىسى بويىنشا اكىمشىلىك ءىس باستاۋعا مۇمكىندىك بەردى. بۇگىنگى تاڭدا حابارلامالاردىڭ 92%-ىنا اكىمشىلىك ءىس قوزعالادى. تۇپكىلىكتى قۇقىقتىق باعاسىن سوت بەرەدى»، - دەدى مينيسترلىك وكىلى.