حاماس-يزرايل قاقتىعىسى: ءسىم مالىمدەمە جاسادى
قازاقستان حاماس-تىڭ يزرايلدىك بەيبىت تۇرعىندارعا شابۋىلىن جانە شەتەل ازاماتتارىن كەپىلگە الۋىن ايىپتايدى. بۇل تۋرالى قازاقستان رەسپۋبليكاسى سىرتقى ىستەر مينيسترلىگىنىڭ حاماس پەن يزرايل اراسىنداعى قارۋلى قاقتىعىسقا قاتىستى مالىمدەمەسىندە ايتىلعان.
«قازاقستان حاماس-تىڭ يزرايلدىك بەيبىت تۇرعىندارعا شابۋىلىن جانە شەتەل ازاماتتارىن كەپىلگە الۋىن ايىپتايدى. ءبىز بۇۇ باس حاتشىسى انتونيۋ گۋتەرريشتىڭ كەپىلگە الىنعان ادامداردى الدىن الا شارتسىز دەرەۋ بوساتۋ جانە گۋمانيتارلىق كومەككە كەدەرگىسىز قولجەتىمدىلىكتى قامتاماسىز ەتۋ قاجەتتىلىگى تۋرالى ۇندەۋىن قولدايمىز.
قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ بىشكەكتە وتكەن تمد سامميتىندەگى مالىمدەمەسىندە كەلەسىدەي ايتىلدى: «ونداعان جىلدار بويى شەشىمىن تاپپاي كەلە جاتقان مىندەتتەردى جۇزەگە اسىرۋ ءۇشىن تەرروريستىك ارەكەتتەردى جاساۋعا بولمايدى. بۇل ارەكەتتەر اقتاۋعا جاتپايدى» دەلىنگەن مالىمدەمەدە.
سونداي-اق، قازاقستان ءيزرايلدى گازا سەكتورىندا كوپتەگەن بەيبىت تۇرعىنداردىڭ قازا بولۋىنا جانە ازاماتتىق ينفراقۇرىلىمنىڭ جويىلۋىنا اكەلىپ سوعاتىن پروپورتسيونالدى ەمەس كۇش قولدانۋدان باس تارتۋعا شاقىرادى.
مۇنداي جاعدايدا حالىقارالىق قۇقىق نورمالارىن ساقتاي وتىرىپ، پالەستينا حالقىنىڭ زاڭدى قۇقىقتارىن كوزدەيتىن بۇۇ قاۋىپسىزدىك كەڭەسىنىڭ ءتيىستى قارارلارىن ورىنداۋ وتە ماڭىزدى. زورلىق-زومبىلىق ارەكەتى قايتا زورلىق-زومبىلىقتى تۋدىرادى جانە تاياۋ شىعىس پەن بۇكىل الەم ءۇشىن ءسوزسىز قايعىلى سالدارعا الىپ كەلەدى.
"قازاقستان گازا سەكتورىنىڭ تۇرعىندارىن ەۆاكۋاتسيالاۋ ءۇشىن بەلگىلەنگەن مەرزىمدەردى الىپ تاستاۋ جانە قاقتىعىستىڭ كەپىلدەرىنە اينالماۋى ءتيىس بەيبىت تۇرعىنداردىڭ تولىق قاۋىپسىزدىگىن قامتاماسىز ەتۋدى تالاپ ەتكەن حالىقارالىق قوعامداستىقپەن نيەتتەستىك بىلدىرەدى.
وسىعان بايلانىستى قازاقستان تاراپتاردى اسكەري ارەكەتتەردى تەز ارادا توقتاتۋىن قامتاماسىز ەتۋگە جانە «ەكى حالىق ءۇشىن ەكى مەملەكەت» فورمۋلاسى نەگىزىندە ايماقتىڭ بارلىق تۇرعىندارى ءۇشىن بەيبىتشىلىك، تۇراقتىلىق پەن قاۋىپسىزدىككە قول جەتكىزۋ جونىندەگى كۇش-جىگەردى جانداندىرۋعا شاقىرادى" دەپ جازىلعان مالىمدەمە ماتىنىندە.
Abai.kz
