19 قازان كۇنى الماتى قالاسى ءدىن ىستەرى جونىندەگى باسقارماسى، «ءدىن ماسەلەلەرىن زەرتتەۋ ورتالىعى» كمم قولداۋىمەن، «جاستار ءۇنى» رەسپۋبليكالىق قوعامدىق بىرلەستىگى «ۇلتتىق تانىم» جوباسى اياسىندا، ءدىنتانۋشى تالىمگەرلەرگە قازاق اعارتۋشىلارىنىڭ (اباي قۇنانبايۇلى، شاكارىم قۇدايبەردىۇلى، ىبىراي التىنسارين جانە ت.ب.) شىعارمالارىن جاتقا وقۋ جانە ماعىناسىن جەتكىزۋ بويىنشا «اقىننىڭ اسىل مۇراسى» اتتى كونكۋرسىنىڭ سالتاناتتى ماراپاتتاۋ ءراسىمى ۇيىمداستىرىلدى.

سالتاناتتى شاراعا الماتى قالاسى ءدىن ىستەرى جونىندەگى باسقارماسى باسشىسىنىڭ ورىنباسارى ەرعالي احيلبەكۇلى كوشەكە، اباي اتىنداعى قازاق ۇلتتىق پەداگوگيكالىق ۋنيۆەرسيتەتى، فيلولوگيا جانە كوپتىلدى ءبىلىم بەرۋ ينستيتۋتىنىڭ عىلىم جونىنەن ديرەكتور-ورىنباسارى، phd دوكتورى الماس نايمانباەۆ، اباي اتىنداعى قازاق ۇلتتىق پەداگوگيكالىق ۋنيۆەرسيتەتى، «حاكىم اباي» عىلىمي-زەرتتەۋ ورتالىعىنىڭ باسشىسى، ابايتانۋشى جابال شويىمبەت، ف.ع.د.، پروف.، شاكەرىمتانۋشى بالتاباي ابدىعازىۇلى، ءبىلىم بەرۋ باعدارلاماسىن دامىتۋ ينستيتۋتىنىڭ باسشىسى باۋىرجان ايتكاريموۆ، «ماڭگىلىك ەل جاستارى» قوعامدىق قورىنىڭ توراعاسى، فيل.ع. ماگيسترى ابىلاي ەركىنۇلى سايلاۋحان قاتىستى.

كونكۋرس جەڭىمپازدارىنا ىزگى تىلەكپەن، الماتى قالاسى ءدىن ىستەرى جونىندەگى باسقارماسى باسشىسىنىڭ ورىنباسارى ەرعالي احيلبەكۇلى كوشەكە ءوز سوزىندە، كونكۋرسقا قاتىسۋشى جاستارعا «ۇلتتىق تانىم» جوبالارىنىڭ ءداستۇرلى تۇردە ءجۇرۋىنىڭ قاجەتتىگى، جاس ۇرپاققا ماڭىزدىلىعىن اتاپ ءوتتى. ءبىلىمدى ءحام تاربيەلى ماماندار مەملەكەتىمىزدىڭ باستى فلاگمانى، نەگىزىن قالاۋشىلارى دەي كەلە، كونكۋرسقا قاتىسۋشىلارعا پيلوتتىق جوبالاردىڭ وتۋىنە بەلسەندى قاتىسقاندارى ءۇشىن ۇلكەن العىسىن ءبىلدىردى.

جالپى كونكۋرسقا ءابۋ حانيفا مەدرەسە كوللەدجى مەن نۇر-مۇباراك ەگيپەت يسلام مادەنيەتى ۋنيۆەرسيتەتىنەن كونكۋرس ەرەجەسىنە سايكەس دەپ تانىلعان 20 تالىمگەردىڭ جۇمىستارى قاتىستى. «Almaty Towers» بيزنەس ورتالىعىندا وتكەن ماراپاتتاۋ راسىمىندە كونكۋرس جۇلدەگەرلەرى مەن نوميناتسيا جەڭىمپازدارى، بەلسەندى قاتىسۋشىلار، ارنايى ديپلومدار جانە باعالى سىيلىقتارمەن ماراپاتتالدى.

ناتيجەسىندە، كونكۋرستىڭ 3-ورنىن نۇر-مۇباراك ەگيپەت يسلام مادەنيەتى ۋنيۆەرسيتەتىنەن يسلامتانۋ ماماندىعىنىڭ 2 كۋرس ستۋدەنتى حاميتوۆا شاحزادا، ال 2-ورىنعا نۇر-مۇباراك ەگيپەت يسلام مادەنيەتى ۋنيۆەرسيتەتىنىڭ يسلامتانۋ ماماندىعى 4 كۋرس ستۋدەنتى سۇلۋحان بەرىكقىزى ورنىقتى.

2023 جىلعى «اقىننىڭ اسىل مۇراسى» كونكۋرسىنىڭ 1-ورىن يەگەرى بولىپ، ءابۋ-حانيفا مەدرەسە كوللەدجىنىڭ 3 كۋرس ستۋدەنتى ماراتوۆ ءانۋار قايراتۇلى انىقتالدى.

سونىمەن بىرگە، كونكۋرستىڭ ارنايى نوميناتسيالارى بويىنشا، «ىبىراي مۇراگەرى» نوميناتسياسىن نۇر-مۇباراك ەگيپەت يسلام مادەنيەتى ۋنيۆەرسيتەتى تەولوگيا ماماندىعىنىڭ 1 كۋرس ستۋدەنتى جاۋكەن بورانباي الدابەرگەنۇلى، «شاكارىم اماناتى» نوميناتسياسىن نۇر-مۇباراك ەگيپەت يسلام مادەنيەتى ۋنيۆەرسيتەتىنىڭ يسلامتانۋ ماماندىعى 1 كۋرس ستۋدەنتى بەكمۇراتوۆ نۇرتىلەۋ، «اباي ءۇمىتى» نوميناتسياسىن     نۇر-مۇباراك ەگيپەت يسلام مادەنيەتى ۋنيۆەرسيتەتىنىڭ 4 كۋرس ستۋدەنتى قابىلوۆ مەرەي يەلەندى.

كونكۋرستىڭ سالتاناتتى ماراپاتتاۋ ءراسىمىنىڭ قوناقتارى مەن قاتىسۋشىلارىنا ارنايى كوفە-برەيك پەن ۇجىمدىق فوتولارى ۇيىمداستىرىلدى.

Abai.kz