قاڭتار وقيعالارىنان كەيىن 18 جىلعا باس بوستاندىعىنان ايىرىلعان قازاقستان ۇقك-ءنىڭ بۇرىنعى باسشىسى كارىم ءماسىموۆتىڭ كومەكشىسى ەربول ورىنباەۆ ازاماتتىعىن اۋىستىرماق، دەپ حابارلايدى Ulysmedia.kz.

Ulysmedia.kz دەرەككوزدەرىنىڭ مالىمەتىنشە، ورىنباەۆ قازىر اقش-تا ءجۇر. جالعاندى جالپاعىنان كەشىپ جۇرگەن ول امەريكا ازاماتتىعىن الۋ ءۇشىن قۇجاتتارىن تاپسىرىپ قويعان.

ءماسىموۆتىڭ “جىمىسقى” ويلارىنىڭ كوبىن ەربول ورىنباەۆ جۇزەگە اسىرعانى تۋرالى اقپارات بار. سونىمەن قاتار، ءبىر كەزدەرى ول پرەزيدەنت نازارباەۆتىڭ كومەكشىسى بولعان جانە ۆيتسە-پرەمەر قىزمەتىن اتقارعان.

بۇدان باسقا، ول قازاقستان ۇلتتىق بانكىنىڭ، قارجى نارىقتارىن رەتتەۋ اگەنتتىگىنىڭ باسقارما مۇشەسى بولعان. "سامۇرىق-قازىنا" ۇاق جانە باسقا دا ءىرى كومپانيالار مەن كوممەرتسيالىق ەمەس ۇيىمدار باسشىلىعىنىڭ قۇرامىنا كىرگەن.

ەسكە سالايىق، 2023 جىلدىڭ 24 ساۋىرىندە سوت ءماسىموۆتى مەملەكەتكە وپاسىزدىق جاساعانى، بيلىكتى باسىپ الۋدى ناسيحاتتاعانى جانە لاۋازىمدىق وكىلەتتىكتەرىن اسىرا پايدالانعانى ءۇشىن كىنالى دەپ تاپتى. ول 18 جىلعا باس بوستاندىعىنان ايىرىلدى، مۇلكى تاركىلەندى جانە ءومىر بويى مەملەكەتتىك قىزمەتتە قىزمەت ەتۋ قۇقىعىنان ايىرىلدى.

Abai.kz