قازاقستان ارسەلورميتتال كومپانياسى كەلىسىمدى توقتاتۋ بويىنشا زاڭ جۇمىستارىن جۇرگىزىپ جاتىر. بۇل تۋرالى ونەركاسىپ جانە قۇرىلىس ءمينيسترى قانات شارلاپاەۆ ءمالىم ەتتى.

«ۇكىمەت ارسەلورميتتال كومپانياسىمەن كەلىسسوز جۇرگىزۋدى ءبىراز ۋاقىت بۇرىن باستاعان. ءبىز قۇجاتتارعا الدىن الا (22 قازان) قول قويدىق. ارسەلورميتتال ءوز تاراپىنان قول قويۋ شاحتاداعى قايعىلى وقيعاعا دەيىن بولعانىن راستادى. سوندىقتان مامىلە اياق استىنان جاسالدى دەۋ - قاتە. بۇعان دەيىن ۇكىمەت ارسەلورميتتال كومپانياسىمەن ءبىراز جۇمىس جۇرگىزدى»، - دەدى قانات شارلاپاەۆ ۇكىمەت ۇيىندە وتكەن ءباسپاسوز ءماسليحاتىندا.

«قازىر ارسەلورميتتال اكتسيونەرلەرىنىڭ قۇرامىنان شىققاننان كەيىن قازاقستاندى ودان ءارى سوت تالقىلاۋلارىنان قورعاۋ ءۇشىن ەگجەي-تەگجەيلى زاڭ جۇمىستارىن جۇرگىزىپ جاتىرمىز، - دەيدى ول. - كومپانيانىڭ اتاۋى وزگەرەدى. بىراق بۇل جاعداي بويىنشا شەشىم ءالى قابىلدانبادى. ارسەلورميتتالدىڭ قازاقستاندىق كاسىپورىن اكتسيونەرلەرىنىڭ قۇرامىنان شىققاننان كەيى اتاۋىن وزگەرتۋگە قۇقىعىمىز جوق. شىنىمدى ايتسام، ءبىز ءالى قاراعان جوقپىز»، - دەيدى ق. شارلاپاەۆ.

Abai.kz