ەلىمىزدە ءوزىن بانكروت دەپ جاريالاعان ازاماتتاردىڭ سانى 6 مىڭنان استى.

«حالىقتىڭ شامادان تىس كرەديت الۋ پروبلەماسىن شەشۋ قۇرالدارىنىڭ ءبىرى – ازاماتتاردىڭ تولەم قابىلەتتىلىگىن قالپىنا كەلتىرۋ. بۇگىنگى تاڭدا 6 مىڭنان استام ازامات بانكروت دەپ تانىلدى. بورىشكەرلەردىڭ بارىندە بىردەي بانكروتتىق ءراسىمىن پايدالانۋ مۇمكىندىگى جوق. پروبلەمالىق قارىز الۋشىلاردى كوبىرەك قامتۋ ءۇشىن قارجى مينيسترلىگى وسى جىلدىڭ سوڭىنا دەيىن قۇجاتتار بەرۋدى وڭايلاتۋ جانە سوتتان تىس بانكروتتىقتى قولدانۋ ءراسىمىن جەتىلدىرۋ جونىندە شارالار قابىلداۋى قاجەت»، - دەدى ۇكىمەت باسشىسى ءاليحان سمايىلوۆ ۇكىمەت وتىرىسىندا.

ونىڭ ايتۋىنشا، ءوزىن بانكروت دەپ جاريالاعان ازامات ونىڭ قارىزى جابىلادى دەگەن تۇسىنىكتەن اۋلاق بولۋ كەرەك.

«بۇگىنگى تاڭدا بانك سالاسىنداعى ينتەرنەت-الاياقتىق وزەكتى ماسەلەگە اينالدى. سوڭعى جىلدارى مۇنداي فاكتىلەردىڭ سانى 5 ەسەگە دەيىن كوبەيىپ كەتكەن. جىل باسىنان بەرى ينتەرنەت-الاياقتىققا بايلانىستى 15 مىڭنان استام قىلمىستىق ءىس تىركەلدى. كەلتىرىلگەن زياننىڭ مولشەرى 13 ملرد تەڭگەنى قۇرادى. ونىڭ 65%-ءىن شەتەلدەن كەلگەن الاياقتار جاساعان»، - دەيدى ول.

ودان بولەك، پرەمەر-مينيستر ىشكى ىستەر مينيسترلىگى مۇددەلى مەملەكەتتىك ورگاندارمەن جانە ءموبيلدى بايلانىس كومپانيالارىمەن بىرگە وسىنداي جاعدايلارعا مونيتورينگتى كۇشەيتىپ، الاياقتىق فاكتىسى بويىنشا ازاماتتاردىڭ وتىنىشتەرىن جەدەل قاراۋى كەرەكتىگىن ايتتى.

Abai.kz