...قۇنانباي بولۋ نە تەڭىڭ؟
Cۋرەتتە: شقو جارما اۋدانىنىڭ اكىم انۋاربەك مۇحتارحانوۆ
قولعا قالام الۋعا بۇكىل وبلىس جۇرتشىلىعى وقيتىن ءوزىم قادىرلەيتىن «سەمەي تاڭى» گازەتىنىڭ 2013 جىل، 6-تامىز، № 63 سانىنداعى جارما اۋدانىنىڭ اكىمى ءا.مۇحتارحانوۆ تۋرالى «حالىقتان بيىك ەمەسپىز» دەگەن اشىق اڭگىمەسى تۇرتكى بولدى.
گازەت ءسىزدىڭ جىميىپ وتىرعان، ويلانىپ وتىرعان، ەجىرەيىپ وتىرعان، كۇجىرەيىپ وتىرعان 5 ءتۇرلى سۋرەتىڭىزگە ورىن بەرىپتى. جارمانىڭ جاعدايى ءسىز بارعان سوڭ جاقسارىپ كەتكەندەي-اق «بىلدەي ءبىر دوكەي گازەتتىڭ ءبىر بەتىنەن ءوزىڭىزدىڭ كۇنديدارلى ءراسىمىڭىز 5 رەت ورىن الۋى تەگىن ەمەس-اۋ شاماسى» دەگەن ءۋاج ەرىكسىز قىلاڭ بەرىپ قالدى. مەن سولاي بولعانىنا امسە تىلەكتەستىگىمدى بىلدىرەمىن. توسكەيدە مالى، توسەكتە باسى ءبىر كورشىلىك كوڭىل عوي بۇل.
سۇحباتىڭىزدى (اشىق اڭگىمە) مۇقيات وقىدىق جانە ءسىز ايتقان مىنانداي ماسەلەلەرمەن كەلىسپەيتىندىگىمىزدى بىلدىرەم. وسى ماقالانى ءسىزدىڭ سىرىڭىز بەن شىنىڭىزدى بىلمەيتىن جارما اۋدانىنىڭ حالقى ءۇشىن جازىپ وتىرمىز.
ءسىز سۇحباتىڭىزدا: «مەن ەشقاشان وزىممەن كادر الىپ جۇرمەيمىن. قاي اۋدانعا بارسام دا سول جەردەگى كادرلارمەن جۇمىس ىستەيمىن...» دەپسىز.
Cۋرەتتە: شقو جارما اۋدانىنىڭ اكىم انۋاربەك مۇحتارحانوۆ
قولعا قالام الۋعا بۇكىل وبلىس جۇرتشىلىعى وقيتىن ءوزىم قادىرلەيتىن «سەمەي تاڭى» گازەتىنىڭ 2013 جىل، 6-تامىز، № 63 سانىنداعى جارما اۋدانىنىڭ اكىمى ءا.مۇحتارحانوۆ تۋرالى «حالىقتان بيىك ەمەسپىز» دەگەن اشىق اڭگىمەسى تۇرتكى بولدى.
گازەت ءسىزدىڭ جىميىپ وتىرعان، ويلانىپ وتىرعان، ەجىرەيىپ وتىرعان، كۇجىرەيىپ وتىرعان 5 ءتۇرلى سۋرەتىڭىزگە ورىن بەرىپتى. جارمانىڭ جاعدايى ءسىز بارعان سوڭ جاقسارىپ كەتكەندەي-اق «بىلدەي ءبىر دوكەي گازەتتىڭ ءبىر بەتىنەن ءوزىڭىزدىڭ كۇنديدارلى ءراسىمىڭىز 5 رەت ورىن الۋى تەگىن ەمەس-اۋ شاماسى» دەگەن ءۋاج ەرىكسىز قىلاڭ بەرىپ قالدى. مەن سولاي بولعانىنا امسە تىلەكتەستىگىمدى بىلدىرەمىن. توسكەيدە مالى، توسەكتە باسى ءبىر كورشىلىك كوڭىل عوي بۇل.
سۇحباتىڭىزدى (اشىق اڭگىمە) مۇقيات وقىدىق جانە ءسىز ايتقان مىنانداي ماسەلەلەرمەن كەلىسپەيتىندىگىمىزدى بىلدىرەم. وسى ماقالانى ءسىزدىڭ سىرىڭىز بەن شىنىڭىزدى بىلمەيتىن جارما اۋدانىنىڭ حالقى ءۇشىن جازىپ وتىرمىز.
ءسىز سۇحباتىڭىزدا: «مەن ەشقاشان وزىممەن كادر الىپ جۇرمەيمىن. قاي اۋدانعا بارسام دا سول جەردەگى كادرلارمەن جۇمىس ىستەيمىن...» دەپسىز.
ءسىز اياگوزگە كەلە سالىسىمەن ارتىڭىزدان ىلە-شالا جانۇياسىمەن جەدەل جەتكەن سۇتتىباەۆ قايراتپەن ونىڭ جارىن جادىڭىزدان شىعارىپ العانسىز-اۋ شاماسى. سۇتتىباەۆ مىرزا اۋدان اكىمدىگىنىڭ اپاراتىندا 1 جىلدا ءتورت رەت ورىن اۋىستىردى. بۇدان كەيىن مامىرسۋ اۋىلدىق وكرۋگىنە اكىم جاسادىڭىز. ايەلىن اكىمشىلىكتىڭ اپاراتىنا جۇمىسقا الدىڭىز. ول كىسىنىڭ زايسان جاقتان جۇققان ادەتى مە قايدام، 1 كۇن جۇمىستا بولسا 2 كۇن كەلمەيدى ەكەن. «اتىڭ شىقپاسا جەر ورتە» دەگەندەيىن ءوزى وتىراتىن كابينەتتى ىشىندەگى ميلليونداعان تەڭگەنىڭ زاتتارىمەن قوسا ورتەپ جىبەردى. ادەيى ەمەس ارينە. ۇيىنە كەتەردە ەلەكتر پەشىن توقتان اجىراتۋدى ۇمىتىپ كەتكەن عوي. جالپى وسى جانۇياعا ءسىزدىڭ جاساعان قامقورلىعىڭىز كەرەمەت. ەكى جىل ىشىندە سۇتتىباەۆ قايراتتى وزىڭىزگە ءبىرىنشى ورىنباسار ەتىپ بىراق شىعاردىڭىز. سول قايراتىڭىز قىزمەت كولىگىن الدەقانداي سەبەپپەن اۋدارىپ العاندا دا وعان ەشقانداي شارا قولدانعان جوقسىز. جابۋلى قازان جابۋلى كۇيىندە قالا بەردى. ەندى قايراتتى جارما جاققا ەرتە كەتىپ، ءبىر ءجايلى ورىنعا جالپيتا سالساڭىز اياگوزدىكتەر وعان تاڭدانا قويماس.
اياگوزدە اۋىلدىق وكرۋگتىڭ اكىمى بولىپ ىستەي الاتىن ازامات قۇرىپ قالعانداي ءسىز جان جاقتان بەس اكىمدى الدىرعانىڭىزدى نەگە ۇمىتاسىز؟
ءسىزدىڭ قۇرىلىس سالاسىنا باسشىلىق جاساۋ ستيلىڭىزگە جۇرت تاڭدانارلىقتاي.
بىزدەر، اياگوزدىكتەر ءسىزدىڭ ەكى باسقا جاڭادان سالدىرعان حان سارايىنداي 2-قاباتتى ءۇيىڭىزدىڭ سالۋ تاريحىنان حابارىمىز مول. جانە بۇل ءۇي ءبىراز «ۋگولوۆكاعا» جۇك بولاتىن زاڭبۇزۋشىلىقپەن سالىندى.
كابينەتىڭىزدىڭ ءتور بولمەسىنەن تۋالەت سالدىرعاندى دا ەستىدىك. «پاتشالار جاياۋ جۇرەتىن جەرگە بارا الماي نەگە، قادامى قاتا قالدى ەكەن بۇل پاقىردىڭ» دەپ تاڭ قالدىق. مۇنىڭ ءوزى ەل ىشىندە ءبىر تالاي سىپسىڭ تۋدىردى. «اكىم سىرقات ەكەن. دەرتى ءدال قۋىقتان جابىسىپتى» دەگەن سىبىس سىرعاقشا سىرعىعان. ءسىز ساۋ باسىڭىزدىڭ ساقيناسىن باسقاعا اۋدارا سالۋدىڭ شەبەرىسىز. اقىرى ونى: «وبلىس اكىمى سال دەپ ايتتى» دەپ ماسەلەنى ب.ساپارباەۆتىڭ اتىنا سىرعىتا سالدىڭىز.
اياگوز اۋدانىن ءسىز باسقارعان مەزگىلدە (3 جىلعا تاياۋ) ءسىزدىڭ ۇيىڭىزدەن باسقا بىردە-ءبىر قۇرىلىس نىسانى سالىنىپ، پايدالانۋعا بەرىلگەن جوق. جيىنى 1,5 ميلليارد تەڭگەنىڭ قۇرىلىس وبەكتىلەرىن سالۋ سىن كوتەرمەستەي سىلبىر جۇرگىزىلۋدە. ولاردىڭ مەزگىلىنەن كەش بىتەرىنە ءشۇباڭىز بولماسىن. قۇرىلىس نىساندارىنا تەندەر مەن كونكۋرستار قىلمىسقا بەرگىسىز زاڭ بۇزۋشىلىقپەن وتەدى.
ەگەر 1-تەندەردىڭ ءوزى ءساۋىر ايىنان باستاپ قازان ايىنا دەيىن وتكىزىلسە ودان قانداي ناتيجە كۇتۋگە بولادى (240 ملن بالاباقشا) بۇنىڭ باستى سەبەبى تەندەردى ۇتقان مەكەمەلەر ءسىزدىڭ ىڭعايىڭىزعا كەلمەي قالىپتى.
ءسىز كۇش-قۋاتى ءالسىز «الاۋ» جشس-ءنىڭ اكىمشىلىك عيماراتىنىڭ جوندەۋ جۇمىستارىن، ءسىزدىڭ ءۇيدىڭ، 340 ملن.دىق بالاباقشا، 818-ملن.دىق مەكتەپ، 96 ملن.دىق مۇراجاي عيماراتتارى قۇرىلىستارىنىڭ تەندەرىن ۇتىپ الۋىن قالاي ءتۇسىندىرىپ بەرەسىز؟ نەگە ءسىزدىڭ قالاۋ ۇنەمى «الاۋعا» عانا اۋىپ تۇرادى. بۇل مەكەمەنىڭ قۇرىلىس نىساندارىنىڭ ساپاسى ەش سىن كوتەرمەسە دە، ءسىز بايگەگە قوسقان سوڭ تەندەر جەڭىمپازدىعىن شاپپاي الادى. مىسالى 96 ملن. تەڭگەگە سالىنعان مۇراجاي ءالى تۇر. سەبەبى جوبادان اۋىتقۋشىلىق بار. قۇرىلىس جۇمىستارىنىڭ ساپاسى ناشار. باسقا قۇرىلىستاردىڭ دا وڭىپ تۇرعانى شامالى. جوندەۋ جۇمىسىنا ءوزىڭىز «باس-كوز» بولعان اۋداندىق اكىمشىلىك عيماراتىنىڭ سىلاعى سالبىراپ قالىپتى.
وتكەن جىلى جارتى جىلدىقتىڭ قورىتىندىسىندا اياگوز اۋدانى مەملەكەتتىك ساتىپ الۋدا جارتى ملرد. تەڭگەگە ( 487 ملن. تگ.) زاڭ بۇزۋعا جول بەردى. ءسىز جەڭىل-جەلپى سوگىسپەن قۇتىلدىڭىز. بىراق سوعان قاراماي اۋدان رەيتينگىلىك كورسەتكىش بويىنشا 1-ورىندا. نە ءۇشىن؟ بايگەلى اۋداننىڭ ءتۇرى مىناۋ بولسا، سوڭعى ورىنداعى اۋداننىڭ كەلبەتىنەن كىسى شوشيتىن شىعار.
ءسىز سۇحباتىڭىزدىڭ ءبىر تۇسىندا: «...سىن ءادىل بولسا، قابىلداۋعا، تۇسىنۋگە، تۇزەتۋگە بولادى جانە وندايعا راحمەت ايتۋ كەرەك. وكىنىشكە وراي، كەيبىرەۋلەر ءوز ەسەبى ىسكە اسپاعان سوڭ، پەندەشىلىكپەن مۇقاتۋ امالىن وسىلاي ويلاستىرعان سياقتى» دەپ كولگىرسىپسىز.
اياگوزدە ءسىزدىڭ اتىڭىزعا ايتىلعان تۇزدىعى ۋداي سىندار بولدى. سىزدە التى الاسى، بەس بەرەسى جوق، باسقا ءبىر شاھاردىڭ تۇرعىنى راحات التاي دەگەن جۋرناليست گازەت بەتىندەگى اشىق سىنىمەن جونىڭىزدان تاسپا ءتىلدى. ول كوتەرگەن ماسەلەنىڭ ءبارى شىندىق. بىراق سونىڭ بىرەۋى تۇزەلدى مە؟ تۇزەۋدىڭ ورنىنا، راحمەت ايتۋدىڭ ورنىنا سىن ايتقان گازەت تيراجىن تۇگەل ساتقىزىپ الىپ، نەمەسە وزگە ادىستەرمەن ەل اراسىنا تارالۋعا كەدەرگى كەلتىردىڭىز. ءسىز ءوز ادرەسىڭىزگە سىن ايتقان اداممەن اشىق تۇردە بولماسا دا، استىرتىن ەسەپ ايىرىسۋعا شەبەر-اقسىز. دالەل پىشەن-پىشەن. جانە وسى جادىگوي ارەكەتكە جۇمساعان قابىلەتىڭىزدى جوندەمدى ىسكە سارپ ەتۋگە كەلگەندە تاسىرقاعان اتتايسىز.
سويتە تۇرا سۇحباتىڭىزدىڭ اۋقىمىنا اكەلى-بالالى-قۇنانباي مەن ابايداي الىپتار-دان العان «عيبراتتارىڭىزدى» سىيعىزىپ جىبەرمەك بولىپسىز. «سورلىعا سويىلدىڭ جۋان باسى تيەدى» دەمەكشى، ءدال وسى ارادا ءسىز ورەڭىزدىڭ ولشەمىن تانىتىپ الىپسىز. التى الاشتىڭ ازۋىن ايعا بىلەگەن ازۋلى عۇلامالارى بايقاپ-بايقاپ باراتىن زاڭعارلارعا باعا بەرۋ ءسىز سياقتى دەڭگەيدەگى اكىمنىڭ «تىسكە باسارى» ەمەس.
كەڭگىرباي بي قارتايعان شاعىندا ءوز كىندىگىنەن جارالعان ەرالى، تولەۋ، قوتانبۇلاق دەگەن ۇلدارىنان گورى توبىقتىنى بيلەۋگە ەل قامىن ويلايتىن اقىلدى، ءادىل، پاراساتى مول دەپ وسكەنبايدى ۇسىنادى. وسكەنباي كەڭگىربايدىڭ ويىنان شىعىپ، ەلدى ادال، ادىلدىك جولىمەن باسقارادى. ء"ىسىڭ ادال بولسا، وسكەنبايعا بار، ارام بولسا، ەرالىعا بار" دەگەن ناقىل سودان قالسا كەرەك. وسكەنباي بي دۇنيە سالعان سوڭ ەل-جۇرتى ونىڭ ورنىنا بالاسى قۇنانبايدى بي ەتىپ سايلايدى. جاستايىنان اكە جانىندا ءجۇرىپ، ەل باسقارۋ ىسىنە ارالاسىپ، ءجون-جوسىق كورىپ قالعان قۇنەكەڭ بيلىكتى تەز يگەرىپ دوڭگەلەنتىپ الىپ كەتەدى. ونىڭ ەل بيلەۋ ادىستەرى وسكەنبايدان ەرەكشەلەۋ، كەيبىر كەسىم-بايلامى اكەسىنەن وزگەشە بولدى. قاتال-قايسار مىنەزدى قۇنانباي بەتىنەن قايتپايتىن، الىسقانىن جىقپاي تىنبايتىن، ەل اراسىنداعى داۋ-جانجالدارعا بيلىك ايتاردا بۇلتارماي، جالتاقتاماي بيلىكتى باتىل ايتاتىن ادۋىندىلىعى باسىم بي بولعان. ءسىزدىڭ مىنەزىڭىزدەن اياگوز ەلى قۇنەكەڭە ۇقساعان جالعىز تال قىلىقتى كوردىك دەپ ايتا الماس. ورىستاردىڭ بوتانى «تۇيە بولام دەپ بولا الماي قالعان تۇيە» دەيتىنى وسىندايدان ەكەن-اۋ ءسىرا.
1822 جىلى رەسەي پاتشاسى ء"سىبىر قازاقتارىن باسقارۋدىڭ ۋاقىتشا ەرەجەلەرى" دەگەن زاڭ شىعاردى. وسى زاڭ بويىنشا حاندىق جويىلىپ، ونىڭ ورنىنا اعا سۇلتاندىق ورنادى. اعا سۇلتان تورەلەر تۇقىمىنان بەلگىلەنۋگە ءتيىستى ەدى. بۇل كەزدە توبىقتى ەلى اۋقىمى كەڭەيىپ، وعان قارقارالى وكرۋگى دە قارايتىن. وسى وكرۋگكە اعا سۇلتان بولىپ قۇنانباي سايلانادى. ونىڭ اعا سۇلتان بوپ سايلانۋىنا ءوزىنىڭ ىقپال-ابىروي، بەدەلى سەبەپ بولادى. سوندىقتان دا ونىڭ اعا سۇلتاندىق دارەجەگە قولى جەتكەن. حالىق "قارادان سايلانعان حان" دەپ قۇنانبايدىڭ اتاق، داڭقىن بۇرىنعىدان دا اسقاقتاتا كوتەرىپ اكەتكەن.
اعا سۇلتان بولعان جىلدارى قۇنانباي قارقارالى قالاسىنا مەشىت-مەدرەسە تۇرعىزادى. ءوز قول استىنداعى اۋىلداردىڭ ۇلكەن-كىشىسىن سول مەشىت-مەدرەسەگە تارتادى. جاس بالالار-دى وقىتىپ مۇسىلماندىققا، يماندىلىققا باۋليدى. جاسى 70-تەن اسا باستاعاندا ەل باسقا-رۋدى، بيلىكتى بالالارىنا تاپسىرىپ، ءوزى مەككەگە قاجىلىققا بارادى. قازاق ەلىنەن، وزگە مۇسىلمان جۇرتىنان ءتۇسىپ، قونىپ تۇرسىن دەپ ءوز قاراجاتىنا مەككەدەن "تاقيا" دەگەن قوناق ءۇي سالدىرادى. ءسويتىپ، سول كەزدەن بەرى كوپتەگەن كەلىمدى-كەتىمدى مۇسىلمانداردىڭ ساۋابىن الادى.
ءسىز ءسوز جۇزىندە ۇلگى ەتكەن قۇنەكەڭ وسىنداي ساۋاپتى ءىس تىندىرىپتى. ال، ءسىز بولساڭىز «ءمولدىر سانا» ۇنپاراعىنىڭ تارالۋىنا قولىڭىزدان كەلگەن كەدەرگىنى (يتتىك دەۋگە اۋزىم بارمايدى) ءىس جۇزىندە جاساپ كەلىپسىز. بۇل تۋرالى ءسىز اياگوزدەن كەتكەن كۇنى ءوزىڭىزدىڭ قول استىڭىزدا ىستەگەن ازاماتتاردان ەستىدىك. ەستىگەن قۇلاقتا جازىق جوق ەكەنى بەلگىلى عوي.
ءسىز كيەلى ۇعىم-ۋادەگە تۇراقسىز، پىكىرىنەن قايتقىش، قابىلداعان شەشىمىن وزگەرتكىش اكىم ەكەنسىز. سوزدە تۇرۋ، سەرتتەن تايماۋ ادامنىڭ كىسىلىك قاسيەتىمەن بىرگە، ونىڭ مىنەزىنىڭ دە ونەگەلى ەكەنىن بىلدىرەتىن ەرەكشەلىگى. بۇعان دا دالەل جەتكىلىكتى. ونى كەزى كەلگەندە وقۋشىعا بىلدىرە جاتارمىز. ايتقانىنان اينىعىش، سوزىندە تۇرمايتىن ادامنىڭ بويىندا كىسىلىك قاسيەت از بولادى. سىزدەي ادامعا ءبۇتىن ءبىر اۋداننىڭ بيلىگىن تاپسىرۋ، مايموڭكەلەپ ايتقاندا، ءوزىڭىزدى وسى ورىنعا قونجيتقان ادامنىڭ جاۋاپسىزدىعى شىعار. ءسىزدىڭ قولى-ڭىزدان بۇتتى-شاتتى اكىمدىك كەلسە كەلەر، قۇنانبايلىق كەلۋىنە ءباسىم بار. اللا بەرمەگەن ابىروي مەن اقىل الىساتىن جاۋ ەمەس، تىرتىساتىن داۋ ەمەس. ونى كۇشپەن دە، پۇلمەن دە كوندىرە المايتىنىڭ انىق.
قۇنانباي سياقتى الىپقا ءسىز سياقتى شۇكىمايتتار ىلەسسە تاڭى ايرىلاتىنى بەلگىلى ءىس. ءبىر مىسالعا جۇگىنەلىكشى. قۇنانبايمەن بىرگە ومبىعا ايدالىپ بارعان توقسان ءبيدىڭ تۋىسى تورقان دەگەن كىسى ەكى جىلدان كەيىن قۇنانبايدى پانالاپ، ارىپ-اشىپ كەلىپتى. قۇنانباي ابايدى شاقىرىپ الىپ، "مىنا تورقاندى تاربيەلەپ، باق" دەپتى. اباي: "تاتە، بۇل ادام نەڭىز ەدى؟" - دەگەندە، قۇنەكەڭ:
قاجىماس، قاتە باسپاس حان بولا ما،
تاۋسىلماس، تابان تايماس جان بولا ما.
بايگەدەن قوسقان سايىن كەلسە -اعى،
تۇلپاردا ارىقتاسا ءسان بولا ما؟ - دەپ، "بۇل كىسى قيىن جاعدايدا بىرگە قينالعان جولداسىم ەدى",-دەپتى. مىنە كىسىلىك دەپ، مارتتىك دەپ وسىنى ايت. ال، ءسىز بولساڭىز، وزىڭىزگە سەنگەن ورىمدەي-ورىمدەي ءتورت جىگىتتى ءىستى قىلىپ، تاعدىرلارىنا بالتا شابىلۋىنا سەبەپشى بولىپسىز. «كوپ بولسا ءبىر سوگىس الاسىڭ، قالعانىن ءوزىم رەتتەيمىن» دەپ، ءتۇس اۋماي جاتىپ تايقىپ كەتىپسىز. «قىلىعىڭا قاراپ قىز ەمەس ەكەنىڭدى ءبىلىپ ەدىم» دەپ قوجاناسار اپەندى ايتقانداي ءسىزدىڭ تالاي-تالاي قىرىڭىزدان حاباردار بولىپ جاتىرمىز.
اباي: «مەن بولامىن دەمەڭدەر، اياقتى الشاڭ باسقانعا» دەگەن ەكى-اق شۋماق ولەڭىمەن بۇگىنگىنىڭ جەتەسىز ۇلىقتارىنا تاكاپپار تەكتىلىكپەن ماڭدايعا ۇرعانداي ەسكەرتۋ جاساپتى-اۋ. بۇل مۇڭدارلاردىڭ ابايدىڭ «الشاڭىنا» تەڭەسەم دەسە، بۇتتارى ايرىلىپ كەتپەي مە؟ قۇرمەتتى انۋاربەك مۇحتارحانۇلى، وسى قيمىلدان ءوزىڭىزدى وزگەشە ساقتاندىرعىم كەلەدى.
اباي شىندىقتى ايتقاندا جاۋىردى جابا توقىماي، جاتى تۇگىل جاقىنىنىڭ ءجۇزىن ايعىزداپ ايتادى. ۇلى تۇلعا ءومىرىنىڭ اياق كەزىندە شىندىققا جان ايعايىن قوسىپ ايتسا دا، ۇكىمى ءزىلدى نۇسقاۋىن، مۇحتارحانوۆ مىرزا، ءسىز قاپەرىڭىزگە الماپسىز. مەڭىرەۋ مەنمەندىك پەن كوركوكىرەك ناداندىققا ءبىر ءسات بوي الدىرىپ قالدىڭىز با قالاي، دەموكرات، گۋممانيست، اعارتۋشى ابايدى كوممۋنيستەندىرىپ جىبەرىپسىز. ساناسى جۇتاڭ ۇلىقتاردىڭ اباي سىناعان قۋىس كەۋدەسى، ءمانسىز ماڭعازدىعى، ۇكى جۇنىندەي سالماقسىزدىعى سىزگە وي سالماعانى قالاي؟ اباي ولاردىڭ ساناسىز-ويسىز پاڭدىعىن سىرەستىرە سىناسا دا، تەكسىزگە دە تەكتىلىك جۇقتىرۋعا ۇمتىلعان قورمالدىعىن ۇمىتىپ، سىزگە نە بولىپ قالدى؟ بايلامى بايانسىز، تىرلىگى جەتەسىز، قادامى قۇتسىز، كوڭىلى كەسەلدى ادامنىڭ ءتۇپتىڭ تۇبىندە اللا قاھارىنا، تاعدىر قارعىسىنا ۇشىرايتىنىن دا قاراشال ەكى شۋماق ولەڭىندە قۇران سوزىندەي ايتپاپ پا ەدى. «قايران ءسوزى توبىقتىنىڭ تاعى ءبىر ەزىنە قور بولعان» قايران اباي-قۇتىپ-اي دەسەڭشى!!!
كادىربەك سالقىمباەۆ
Abai.kz
