بيىل تاراۋىق نامازىن وقۋ رامازان ايىنان ءبىر كۇن بۇرىن باستالادى. ال ورازانى 11 ناۋرىزدان باستاپ ۇستاۋ شارت. قمدب تۇسىندىرمەسى بويىنشا، رامازان ايىنان ءبىر كۇن بۇرىن، كەشكى قۇپتان نامازىنان سوڭ تاراۋىق نامازى وقىلا باستايدى.

"تاراۋىق نامازى 20 راكاعاتتان تۇرادى. ءار ەكى راكاعاتتان كەيىن سالەم بەرەدى. ءتورت راكاعات ەتىپ وقىسا دا بولادى. جالعىز وقىسا دا دۇرىس، بىراق جاماعاتپەن وقىعاننىڭ ساۋابى زور. تاراۋىق نامازىمەن بىرگە ءۇتىر نامازى دا جاماعاتپەن وقىلادى. يمام تاراۋىق نامازى مەن ءۇتىر نامازىنىڭ قيراعاتىن داۋىستاپ وقيدى", – دەلىنگەن قمدب حابارلاماسىندا.

"تاراۋىق نامازىن قۇپتان نامازىنان كەيىن وقۋ – سۇننەت. سوندىقتان قۇپتان نامازىنا ۇلگەرمەگەن ادام الدىمەن قۇپتان نامازىنىڭ پارىزى مەن سۇننەتىن وقىپ، ودان سوڭ تاراۋىق نامازىنا قوسىلادى. تاراۋىق نامازىنىڭ قالعان راكاعاتتارىن جانە ءۇتىر نامازىن كەيىن ءوزى جالعىز وقىپ بىتىرەدى. تاراۋىق نامازىنىڭ قازاسى وقىلمايدى", – دەدى حاسان امانقۇل.

Abai.kz