ۇلتتىق ەكونوميكا ءمينيسترىنىڭ ءبىرىنشى ورىنباسارى تيمۋر جاقسىلىقوۆ 2024 جىلعى 29 اقپاندا سەنات وتىرىسىندا 1 ميلليون تەڭگەگە دەيىنگى ءموبيلدى اۋدارىمداردى تەكسەرۋدى توقتاتۋعا بولاتىنىن ايتتى. مۇنداي ۇسىنىستى بۇعان دەيىن ءماجىلىس دەپۋتاتى ازات پەرۋاشەۆ ايتقان بولاتىن. بۇل تۋرالى Abai.kz esquire.kz سايتىنا سىلتەمە جاساپ، حابارلايدى.

جۋرناليستەر تيمۋر جاقسىلىقوۆتان 1 ميلليون تەڭگەگە دەيىنگى ءموبيلدى اۋدارىمداردى تەكسەرۋدى توقتاتۋ تۋرالى ۇسىنىس قانشالىقتى شىندىققا جاناساتىنىن سۇرادى.

«وسىنداي ۇسىنىس بار، ول دا تالقىلانىپ جاتىر. وسى ماسەلەنى شەشۋدىڭ، بيزنەستىڭ الاڭداۋشىلىعىن جەڭىلدەتۋدىڭ، ەكىنشى جاعىنان، بيۋدجەتكە تۇسەتىن كىرىستەن ايىرىلىپ قالماۋى ءۇشىن ءتۇرلى نۇسقالار قاراستىرىلۋدا،» – دەدى ۆيتسە-مينيستر جاۋاپ رەتىندە.

سونىمەن قاتار، ول قازىرگى باقىلاۋ جۇيەسىنەن جاعىمسىز ەشتەڭە كورمەيتىنىن ايتتى.

«قازىرگى ۋاقىتتا وزگەرىستەردەن تەرىس اسەردى سەزىپ تۇرعان جوقپىز. قولما-قول اقشاعا كوشكەن كاسىپكەرلەردىڭ ءبىر بولىگى بار ەكەنى انىق، بىراق ولار كليەنتتەر ىڭعايلىلىققا ۇيرەنىپ، قولما-قول اقشاسىز ەسەپ ايىرىسۋعا داعدىلانعاندىقتان قازىر شىعىنعا باتىپ وتىر. ولاردىڭ كليەنتتەرىنىڭ كوپشىلىگى قولما-قول اقشاعا قايتىپ ورالمايدى. تۇتىنۋشى سول كاسىپكەرلەردىڭ ىشىنەن قولما-قول اقشاسىز قىزمەت كورسەتەتىندەردى تاڭدايدى. ءدال وسىلاي بەيىمدەلىپ جاتقان كوپتەگەن كاسىپكەرلەر قولما-قول اقشاسىز تولەمگە قايتادى دەپ ويلايمىن»، — دەپ قوستى تيمۋر جاقسىلىقوۆ.

جالپى، ونىڭ ايتۋىنشا، تاريفتەر مەن گراداتسيالار تۋرالى تۇسىنىك مامىر ايىندا پايدا بولادى.

«مامىر ايىندا بىزگە جاڭا سالىق كودەكسىنىڭ جوباسى كەلەدى — ول بارلىعىن قامتيدى، ال ءموبيلدى اۋدارىمدار سونىڭ از عانا بولىگى»، — دەدى سپيكەر.

2024 جىلدىڭ 20 اقپانىندا 255 مىڭ تەڭگەدەن اسقان ءموبيلدى اۋدارىمدار تەكسەرۋگە نەگىز بولا الاتىنى حابارلانعان.

28 اقپاندا ءماجىلىس دەپۋتاتى ازات پەرۋاشەۆ وز وتىنىشىندە قازاقستان ۇكىمەتىنەن ءموبيلدى تولەمدەردى تولىق باقىلاۋدان باس تارتىپ، ايىنا 1 ميلليون تەڭگەدەن استام اۋدارىمدارعا ميكروبيزنەس دەڭگەيىندە عانا كريتەري ەنگىزۋدى سۇرادى.

Abai.kz