ماجارلار شۆەتسيانى ناتو-عا قابىلداۋ تۋرالى قۇجاتتى ماقۇلدادى. الداعى اپتالاردا شۆەتسيا ناتو-عا ەش كەدەرگىسىز كىرەدى، ءسويتىپ اليانستاعى ەلدەر سانى 32-گە جەتەدى.

ەەە دە. «ناتو-نى شىعىسقا جىلجىتپايمىن» دەپ ەدى ءبىر كىسى. ءسويتىپ ءوز ارەكەتىمەن ناتو-عا قوسىلۋدى ەش ويلاماعان فيندەر مەن شۆەدتەردى ۇيىمعا قۋىپ تىققانداي بولدى. بالتىق تەڭىزى وسىلايشا ەكى جىلدىڭ ىشىندە ناتو-نىڭ ىشكى تەڭىزىنە اينالىپ شىعا كەلدى. الىستا كەنيگسبەرگ (كالينينگراد) پەتەربورعا قول بۇلعاپ تۇر دەگەندەي.

شۆەتسيا مەن فينليانديا ناتو ءۇشىن مايلى ولجا. قۋاتتى ەكونوميكا، ساۋاتتى حالىق، از بولسا دا كاسىبي ارنايى جاساق، ناتو-نىڭ تەڭىز فلوتىن ورنالاستىرۋعا ءتيىمدى زاماناۋي پورتتار مەن بازالار، تاقتايداي تەگىس ۇشۋ جولاعى بار اۋەجايلار، قوسىمشا 16 ملن حالىق دەپ كەتە بەرەدى. شۆەدتىڭ اۋەدە قىرانشا قالىقتاعان Gripen ۇشاقتارىنىڭ ءوزى نەگە تۇرادى. ايتا بەرسە كوپ. بۇنى ستراتەگيالىق ولجا دەيدى، دەمەك بىرەۋگە «ستراتەگيالىق جەڭىلىس».

اسحات قاسەنعاليدىڭ جازباسى

Abai.kz