سەيسمولوگيالىق باقىلاۋ جانە زەرتتەۋ ۇلتتىق عىلىمي ورتالىعىنىڭ جەتەكشىسى داۋلەت سارسەنباەۆ سەيسميكالىق وقيعالارعا قاتىستى بولجام جاسادى.

– بىزدەگى كوميسسيا مەن ونىڭ بەرەتىن قورىتىندىسى قۋاتتى ءارى جويقىن زىلزالالارعا ارنالعان. ەڭ الدىمەن، ونى ەسكەرۋ كەرەك. الماتى قالاسى، الماتى وبلىسىندا جىلىنا 600-گە دەيىن سەيسميكالىق وقيعالاردى تىركەيمىز. ولاردىڭ ىشىندە سەزىلەتىنى – شامامەن جىلىنا 10-15 قانا. ءبىزدىڭ كوميسسيانىڭ جاساعان بولجامى قاتە دەپ سويلەۋدىڭ ءوزى قاتە. ءبىز سەيسميكالىق جاعىنان قاۋىپتى ايماقتا تۇرامىز. الماتى عانا ەمەس، الماتى وبلىسى، جەتىسۋ، جامبىل وبلىسى دا، كورشىلەس قىتاي، قىرعىزستان دا سەيسميكالىق تۇرعىدا قاۋىپتى ايماققا جاتادى. ءبىزدىڭ ايماقتا جەر سىلكىنگەن، سىلكىندى، سىلكىنە دە بەرەدى. سەيسميكالىق وقيعالار بولا بەرەدى  – دەيدى ول.

ساراپشى ءوز بايانداماسىندا ورتا مەرزىم دەڭگەيىندە جىل بويىنشا جەر سىلكىنىسىنىڭ ءجيى ورىن الۋى ىقتيمالدىعىن ەسكەرتتى.

Abai.kz